لاہور(مانیٹرنگ ڈیسک)لاہورکی احتساب عدالت نے مسلم لیگ (ن) کے رہنما اور سابق وفاقی وزیر خواجہ آصف کی رہائی کا حکم جاری کر دیا۔ لاہور ہائی کورٹ کی جسٹس عالیہ نیلم اور جسٹس شہباز رضوی پر مشتمل بینچ نے گزشتہ روز خواجہ آصف کی منی لانڈرنگ اور آمدن سے زائد اثاثہ جات کیس میں ضمانت منظور کی تھی۔لاہور ہائی کورٹ نے 1 کروڑ کے ضمانتی مچلکوں کے عوض خواجہ آصف کی ضمانت منظور کی تھی جس پر آج لاہور کی احتساب عدالت نے ان کی رہائی کا حکم جاری کیا ہے۔خواجہ آصف کو گزشتہ برس 29 دسمبر 2020 کو گرفتار کیا گیا تھا۔مسلم لیگ (ن )کے رہنما نے اپنی درخواستِ ضمانت27 رواں برس مارچ 2021 کو دائر کی تھی۔

موضوعات:خواجہ آصف