لاہور( این این آئی) وزیر اعلی پنجاب سردار عثمان بزدار اور پرنسپل سیکرٹری کے خلاف بے بنیاد اور من گھڑت الزامات پر مسلم لیگ(ن) کی رکن پنجاب اسمبلی عظمی بخاری کو لیگل نوٹس بھجوانے کافیصلہ کیاگیاہے-وزیر اعلی آفس کی قانونی ٹیم نے لیگل نوٹس کے حوالے سے
مشاورت کی اورعظمی بخاری کی جانب سے پریس کانفرنس میں لگائے گئے شرانگیز اور گمراہ کن الزامات کا جائزہ لیا گیا-قانونی ٹیم کی جانب سے عظمی بخاری کو ہتک عزت کا لیگل نوٹس بھجوایا جائے گا -ڈاکٹر فردوس عاشق اعوان کا کہناہے کہ عظمی بخاری نے اپنے بھگوڑے لیڈر ،جعلی راجکماری اور جعلی خادم اعلی کے ایما پر اوچھے ہتھکنڈوں کے ذریعے وزیر اعلی عثمان بزدار اور پرنسپل سیکرٹری کے خلاف حقائق مسخ کر کے بے بنیاد الزامات لگائے ہیں -عظمی بخاری کے خلاف گمراہ کن ، من گھڑت اور شر انگیز الزامات لگانے پر قانونی چارہ جوئی کی جائے گی-عظمی بخاری پنجاب میں میرٹ اور شفافیت کے تحت سرکاری امور کی انجام دہی پر بوکھلا گئی ہیں -عظمی بخاری کو بزدار فوبیا ہو گیا ہے -انہوں نے کہاکہ نئے مالی سال کے بہترین اور عوام دوست بجٹ پر عظمی بخاری اور ان کے بدنام زمانہ کرپٹ لیڈر پریشان بھی ہیں اور حیران بھی -عظمی بخاری کی جانب سے وزیر اعلی پنجاب اورپرنسپل سیکرٹری پر لگائے گئے الزامات میں کوئی صداقت نہیں -پنجاب میںجب سے پی ٹی آئی کی حکومت آئی ہے ہر کام میرٹ پر ہوتا ہے -ٹھیکوں اور منصوبوں میں کمیشن اور کک بیکس لینے والوں کی وکالت سے ہی عظمی بخاری کی نوکری پکی ہے-پنجاب میں افسروں کی تعیناتی میرٹ پر ہوتی ہیں -عظمی بخاری کے منہ میں جو آتا ہے وہ بول دیتی ہیں اوراکثر یہ محترمہ اپنے حواس میں نہیں ہوتیں –
