جنیوا(این این آئی) سوئٹزر لینڈ کے دارالحکومت جنیوا میں انسانی حقوق کونسل کے اجلاس میں بھارتی مندوب کے الزامات پر پاکستانی سفارت کار سمیر گل نے کرارا جواب دیتے ہوئے کہا ہے کہ مودی کا بھارت جمہوریت، قانون کی حکمرانی اور انسانی حقوق کے حوالے سے جہنم ہے۔سمیر گل نے کہا کہ مودی کا بھارت جمہوریت، قانون کی حکمرانی اور انسانی حقوق کے حوالے سے جہنم ہے، مقبوضہ کشمیر سمیت پورے بھارت میں مسلمانوں پر مظالم ڈھائے جارہے ہیں۔پاکستانی سفارت کار نے کہا کہ بھارت جھوٹ کا سہارا لے کر انسانی حقوق کی صورتحال سے توجہ ہٹانا چاہتا ہے، مودی، امیت شاہ اور یوگی کے ہاتھ معصوموں کے خون سے رنگے ہیں۔انہوں نے کہا کہ گجرات سے دہلی تک معصوم لوگوں کا خون بہایا گیا، یو این ہائی کمشنر بھارت میں انسانی حقوق کی خلاف ورزیوں کا نوٹس لیں۔