اسلام آباد ( آن لائن،مانیٹرنگ ڈیسک )وزیراعظم عمران خان نے امریکا کو افغانستان میں کارروائی کے لیے اڈے دینے سے صاف انکار کر دیا۔ غیر ملکی ٹی وی کو انٹرویو میں وزیراعظم عمران خان نے واضح کر دیا کہ افغانستان میں ایکشن کے لیے کسی کو بھی پاکستانی زمین استعمال کرنے کی اجازت نہیں دیں گے یہ ممکن ہی نہیں کہ ہم امریکا کو
افغانستان میں ایکشن کے لیے پاکستان میں اڈے دیں۔ گذشتہ دنوں پاکستانی اور غیرملکی میڈیا میں پاکستان کی جانب سے امریکا کو زمینی و فضائی راستہ فراہم کرنے کی رپورٹس سامنے آئی تھیں جن کی دفترخارجہ نے بھی تردید کی تھی۔ اس سے قبل سینیٹ میں اظہار خیال کرتے ہوئے شاہ محمود قریشی کا کہنا تھا کہ وہ پاکستان میں امریکی اڈوں کی خبر کو واضح الفاظ میں بے بنیاد کہیں گے۔ ان کا کہنا تھا کہ عمران خان کے ہوتے ہوئے امریکی اڈا پاکستان میں نہیں بنے گا۔ اس انٹرویو کے بعد مائیکروبلاگنگ ویب سائٹ ٹویٹر سمیت دیگر سماجی رابطوں کی ویب سائٹس پر ہیش ٹیگ AbsolutelyNot# ٹاپ ٹرینڈ کررہا ہے۔ ٹویٹر صارفین کا کہنا تھا کہ وزیراعظم عمران خان نے بہادری اور جرات کا مظاہرہ کرتے ہوئے امریکہ کو اڈے دینے سے صاف انکار کیا۔ وزیراعظم عمران خان نے اپنا دو ٹوک موقف پیش کر دیا ہے۔ اس بیان کے بعد ہو سکتا ہے کہ وزیراعظم عمران خان کی جان کو خطرات لاحق ہو جائیں، لیکن انہوں نے امریکہ کو اڈے
دینے سے صاف انکار کر کے جرات کا مظاہرہ کیا جو آج سے قبل کسی پاکستانی حکمران میں نہیں تھی، یہی وجہ تھی کہ امریکی صحافی بھی عمران خان کے اس کھرے جواب پر حیران ہوا۔ٹویٹر پر کپتان کے فالوورز کا کہنا تھا کہ سپر پاور کو آنکھیں دکھانا، خان جیسے لیڈر کے لیے خطرے سے کم بھی نہ ہو گا، لیکن خان صاحب کا وعدہ تھا کہ میں اپنی قوم کو کسی کے سامنے جھکنے نہیں دوں گا۔
Anchorperson: “Will you allow American Govt. to have CIA here in Pakistan to conduct cross-border missions in Afghanistan?”
PM Imran Khan: “Absolutely not”#AbsolutelyNot pic.twitter.com/rQXE3nPWtQ— PTI (@PTIofficial) June 19, 2021
