سوات (این این آئی)کینیڈین وی لاگر روزی گیبریل پاکستان کے سیاحتی مقام ہنزہ میں کچرا اور فحاشی پھیلانے والوں کے خلاف بول پڑیں۔روزی گیبریل نے طویل کیپشن کے ساتھ ایک پوسٹ شیئر کی جس کا عنوان نارتھ کو صاف رکھیں تھا۔مقامی لوگوں نے روزی سے درخواست کی کہ وہ اس مسئلے پر آواز اٹھائیں جس پر وی لاگر نے
ان کے پیغامات کے کچھ اسکرین شاٹس بھی شیئر کیے۔روزی کا اپنی پوسٹ میں کہنا تھا کہ ہنزہ کے مقامی لوگوں کو سیاحوں کا استقبال کرنا بے حد پسند ہے اور وہ اس قسم کے میوزک فیسٹیول کے انعقاد پر بھی خوش ہیں تاہم اس قسم کی ڈانس پارٹیز میں اب جو ہورہا ہے اس سے انہیں اپنی روایات کو نقصان پہنچنے کا خطرہ ہے۔خیال رہے کہ کینیڈین وی لاگر اس وقت ہنزہ میں موجود ہیں اور ان سے مقامی افراد نے سیاحوں کی شکایت کی۔مقامی افرادنے بتایاکہ ہمارے علاقے میں دوسرے شہروں سے لوگ آکر فحاشی، منشیات کلچر اور کچرا پھیلا رہے ہیں جس کی ہم بالکل اجازت نہیں دے سکتے۔وہاں کے لوگوں نے روزی سے درخواست کی کہ وہ دیگر افراد کے علم میں یہ مسئلہ لائیں تاکہ بروقت معاملہ سنبھالا جاسکے۔ دوسری جانب نامور گلوکارہ سائرہ نسیم نے کہا ہے کہ میں نے ہمیشہ معیاری شاعری کو اپنی آواز میں گایا ہے،رات کو سوئے اور صبح اٹھ کر سوشل میڈیا پر گانا ریلیز کر دیا اس کا گلوکاری کے حقیقی فن سے کوئی لینا دینا نہیں۔ ایک انٹرویو میں سائرہ نسیم نے کہا کہ جوگلوکارحقیقی معنوں میں موسیقی کے شعبے سے وابستہ ہیں ان سے پوچھیں کہ اپنی آوازمیں پختگی لانے کیلئے کتنے کتنے گھنٹے استادوں کی زیر نگرانی ریاضت کرناپڑتی ہے۔ انہوں نے کہا کہ آج سوشل میڈیا کے دورمیں ہر کوئی گلوکار بناہوا ہے اسی وجہ سے یہ شعبہ بھی زبوں حالی کا شکارہے۔ انہوں نے کہا کہ میں ہرگز نئے گانے والوں کے خلاف نہیں لیکن کسی بھی شعبے کواپنانے کے قواعد و ضوابط ہوتے ہیں اور پائیدارکامیابی کیلئے ان پر چلنا نا گزیر ہوتاہے۔
