اسلام آباد (این این آئی)وفاقی وزیر سائنس و ٹیکنالوجی شبلی فراز نے انجینئرنگ کونسل میں بھرتیوں کا عمل روکنے کی ہدایت کردی۔ وزارت سائنس و ٹیکنالوجی نے پاکستان انجینئرنگ کونسل کو مراسلہ تحریر کردیا جس میں کہاگیاکہ انجینئرنگ کونسل میں خالی اسامیوں کی بھرتیوں کیلئے اشتہار جاری کیے گئے، پاکستان انجینئرنگ کونسل کی منتخب باڈی کی معیاد ختم ہونے جارہی ہے، پاکستان انجینئرنگ کونسل کے انتخابات کیلئے الیکشن کمیٹی قائم کی گئی ہے۔ مراسلہ میں کہاگیاکہ الیکشن عمل مکمل ہونے تک انجینئرنگ کونسل میں بھرتیوں کا عمل روک دیا جائے۔ ذرائع کے مطابق وفاقی وزیر سینیٹر شبلی فراز نے انجینئرنگ کونسل میں بھرتیوں کی تفصیلات طلب کرلیں۔

موضوعات:شبلی فراز