دبئی (این این آئی)متحدہ عرب امارات میں تعینات پاکستانی سفیر افضل محمود نے فضائی پروازوں کی بندش جلد ختم ہونے کا عندیہ دیدیا۔ میڈیا رپورٹ کے مطابق یو اے ای میں تعینات پاکستانی سفیر افضال محمودنے دبئی میں منعقدہ تقریب میں پاکستانیوں سے خطاب کرتے ہوئے پروازوں کی بندش کے معاملے پر گفتگو کی۔انہوں نے کہا کہ متحدہ عرب امارات کے لیے پاکستان انٹرنیشنل ایئرلائن کی پروازیں بحال کرنے کی کوشش کررہے ہیں، اس معاملے میں متحدہ عرب امارات کی حکومت سے بات چیت بھی جاری ہے۔انہوں نے کہا کہ ہمیں امید ہے پاکستان سے متحدہ عرب امارات کی ریاستوں کے لیے براہ راست پروازوں کا سلسلہ دوبارہ جلد شروع ہوگا۔