راولپنڈی (این این آئی)راولپنڈی میں عوامی نیشنل پارٹی(اے این پی) کے رہ نما زاہد خان کے گھر پھر چوری کی واردات ہوئی ہے۔زاہد خان کے مطابق یہ پچھلے 10 ماہ میں ان کے گھر چوتھی بار چوری کی واردات ہوئی ہے، رہائش گاہ مہمانوں کیلئے مخصوص رکھی ہوئی ہے۔اے این پی رہنما کے مطابق 2 روز پہلے میرے گھرسے 2 اے سی چوری ہوئے تھے، اس سے پہلے بھی چور مختلف سامان چوری کرکے لے گئے تھے،چوروں نے رکھوالی کے لیے رکھے گئے کتے کو بھی مار دیا تھا۔انہوںنے کہاکہ تھانہ ویسٹرج میں ہر بار رپورٹ درج کرائی مگرچورنہ پکڑے گئے۔