اسلام آباد(مانیٹرنگ ڈیسک،این این آئی)سماجی رابطوں کی ویب سائٹ ٹویٹر پر کیے گئے اپنے ایک ٹویٹ میں ن لیگ کے سینئر رہنما پرویز رشید نے اپنی ہی جماعت کے رہنما پر سنگین الزام عائد کرتے ہوئے کہا کہ” انسانی حقوق کی خلاف ورزیاں ہمارے ہاں روز کا معمول ہیں، اسکی سینٹ کمیٹی نشانہ بننے والوں کو تحفظ اور انصاف مہیا کرانے کا ایکذریعہ ہے، افسوس ہے کہ مشاہد حسین سید نے

اسکی سربراہی حکومت کو دے کر دفاع کی کمیٹی حاصل کر لی، اب متاثرین کی آہوں کے مجرم ہم بھی ہوں گے”دوسری جانب سینیٹ کی تمام قائمہ کمیٹیوں کے چیئرمین مقرر کر دیئے گئے۔تفصیلات کے مطابق جے یو آئی ف کے سینیٹر طلحہٰ محمود سینیٹ کی کمیٹی برائے فنانس اور ریونیو کے چیئرمین مقرر ہوئے ہیں۔پیپلز پارٹی کے سلیم مانڈوی والا پلاننگ اینڈ ڈیویلپمنٹ کمیٹی کے چیئرمین، تحریکِ انصاف کے سینیٹر محسن عزیز کمیٹی برائے داخلہ کے چیئرمین مقرر ہوئے ہیں۔بلوچستان عوامی پارٹی کے پرنس احمد عمر احمزئی سینیٹ کمیٹی برائے مواصلات کے چیئرمین جبکہ پیپلز پارٹی کی سینیٹر شیری رحمٰن قائمہ کمیٹی برائے وزارتِ خارجہ کی چیئرمین ہوں گی۔سینیٹ کمیٹی برائے صنعت و پیداوار کے چیئرمین ایم کیو ایم کے سینیٹر فیصل سبزواری، قائمہ کمیٹی برائے توانائی کے چیئرمین تحریکِ انصاف کے سینیٹر سیف اللّٰہ ابڑو ہوں گے۔سینیٹ قائمہ کمیٹی برائے پارلیمانیامور کے چیئرمین پیپلز پارٹی کے سینیٹر تاج حیدر، کمیٹی برائے بین الصوبائی رابطہ کے چیئرمین پیپلز پارٹی ہی کے سینیٹر رضا ربانی قائمہ مقرر کیئے گئے ہیں۔تحریکِ انصاف کے سینیٹر اعجاز چوہدری قائمہ کمیٹی برائے وزارتِ انسدادِ منشیات کے چیئرمین، جبکہ کمیٹی برائے انفارمیشن ٹیکنالوجی کے چیئرمین سینیٹر کہدہ بابر ہوں گے۔ کمیٹی برائےتعلیم و تربیت کے چیئرمین مسلم لیگ نون کے سینیٹر عرفان صدیقی ہوں گے۔سینیٹ کی قائمہ کمیٹی برائے وزارتِ ہائوسنگ اینڈ ورکس کے چیئرمین سینیٹر حاجی ہدایت اللّٰہ خان، کمیٹی برائے کشمیر افیئر کے چیئرمین سینیٹر پروفیسر ساجد میر جبکہ کمیٹی برائے وزارتِ ہیلتھ سروسز کے چیئرمین تحریکِ انصاف کے سینیٹر ہمایوں خان مہمند مقرر ہوئے ہیں۔

انسانی حقوق کی خلاف ورذیاں ہمارے ہاں روز کا معمول ہیں، اسکی سینٹ کمیٹی نشانہ بننے والوں کو تحفظ اور انصاف مہیا کرانے کا ایک ذریعہ ہے، افسوس ہے کہ مشاہد حسین سید نے اسکی سربراہی حکومت کو دے کر دفاع کی کمیٹی حاصل کر لی، اب متاثرین کی آہوں کے مجرم ہم بھی ہوں گے-

— Pervaiz Rashid (@SenPervaizRd) June 5, 2021