کوپن ہیگن(آن لائن ) ڈنمارک کی پارلیمنٹ نے سیاسی پناہ کا نیا قانون منظور کرلیا، سیاسی پناہ کی درخواست دینے والوں کو پہلے افریقی ملک روانڈا میں انتظار کرنا ہوگا۔ڈینش پارلیمنٹ نے فیصلہ کیا ہے کہ پناہ ملنے کی صورت میں روانڈا میں اقامت دی جائے گی۔ڈینش پارلیمنٹ کے مطابق سوشل ڈیموکریٹ کے اس قانون کو دیگر جماعتوں کی
حمایت بھی حاصل ہے۔سیاسی پناہ کی درخواست منظور نہ ہونے کی صورت میں اپنے ملک میں واپس ڈی پورٹ کردیا جائے گا۔دوسری جانب امریکی خفیہ ایجنسی فیڈرل بیورو آف انویسٹی گیشن (ایف بی آئی) نے ایک کیس کی تفتیش کے سلسلے میں امریکی اخبار کا آ ن لائن مضمون پڑھنے والوں کا ڈیٹا مانگ لیا۔ اخبار یو ایس اے ٹوڈے کی انتظامیہ نے مطالبے کی مزاحمت کرتے ہوئے وارنٹ کی منسوخی کے لیے عدالت سے رجوع کیا ہے۔امریکی اخبار کا کہنا ہے کہ ایف بیآئی کے وارنٹ میں مضمون کو کلک کرنے والوں کے آئی پی ایڈرس، فون نمبرز اور دیگر نجی معلومات مانگی گئی ہے۔ اخبار نے کہا کہ اْن کی ویب سائٹ پر کون کیا پڑھتا ہے، یہ معلومات حکومت کو فراہم کرنے پر مجبور کیا جانا پہلی آئینی ترمیم کی کھلی خلاف ورزی ہے۔امریکی اخبار کا مزید کہنا تھا کہ امریکی سپریم کورٹ اپنے ایک سابقہ فیصلے میں کہہ چکی ہے کہ کسی پبلشر کو اپنے صارفین کی شناخت افشا کرنے کا پابند بنانا درحقیقت پریس کی نگرانی کا آغاز ہے۔ ڈنمارک کی پارلیمنٹ نے سیاسی پناہ کا نیا قانون منظور کرلیا، سیاسی پناہ کی درخواست دینے والوں کو پہلے افریقی ملک روانڈا میں انتظار کرنا ہوگا۔ڈینش پارلیمنٹ نے فیصلہ کیا ہے کہ پناہ ملنے کی صورت میں روانڈا میں اقامت دی جائے گی۔ڈینش پارلیمنٹ کے مطابق سوشل ڈیموکریٹ کے اس قانون کو دیگر جماعتوں کی حمایت بھی حاصل ہے۔سیاسی پناہ کی درخواست منظور نہ ہونے کی صورت میں اپنے ملک میں واپس ڈی پورٹ کردیا جائے گا۔
