کولمبو(نیوزڈیسک) پاکستان اور سری لنکا کے درمیان کولمبو میں کھیلے گئے تیسرے ون ڈے میچ کے دوران سری لنکن تماشائیوں کی ہلڑ بازی اور پتھراو¿ پر کھیل کو کچھ دیر کیلئے روک دیا گیا۔گزشتہ روز یہاں پریما داسا میدان کے اندرایک پاکستانی فیلڈر کے قریب پتھر گرنے کے بعد کھلاڑی کچھ دیر کیلئے ڈریسنگ روم چلے گئے اور کھیل بیس منٹ تک معطل رہا۔میزبان ٹیم پاکستان کے سکور 4-316 کے جواب میں 7-158 پر میچ بچانے کی کوشش کر رہی تھی جب دنوں ٹیموں کے مداحوں کے درمیان تصادم پر پولیس کے خصوصی دستے پہنچے اور سکور بورڈ کے قریب دو سٹینڈز کو تماشائیوں سے خالی کرایا۔میدان میں ہوئی ہلڑ بازی سے کسی کھلاڑی کو نقصان نہیں پہنچا ¾ کسی گرفتاری کی فوری اطلاع بھی نہیں ملی۔ عینی شاہدین کے مطابق پتھراو¿ کی وجہ سے سٹیڈیم کے باہر کھڑی کچھ گاڑیوں کے شیشے ٹوٹے۔