کولمبو(نیوزڈیسک)سری لنکا کیخلاف جیت،ثانیہ مرزا،شعیب ملک اور ساتھی کھلاڑیوں نے سب کو حیران کرڈالا-پاکستان کی سری لنکا کے خلاف کامیابی پر ثانیہ مرزا اور شعیب ملک نے دیگر کھلاڑیوں کے ساتھ ڈانس کر کے جیت کا جشن منایا۔ سری لنکا کے خلاف تیسرے ون ڈے میں کامیابی اور عید کا موقع ہونے کا پاکستانی ٹیم نے بھرپور فائدہ اٹھایا۔گزشتہ روز پاکستانی ٹیم نے میزبان سری لنکا کو تیسرے ایک روزہ میچ میں 135رنز سے ہرا کر 5 میچوں کی سیریز میں 1-2 سے برتری حاصل کرلی، جبکہ عیدالفطر کا موقع بھی ہے، دونوں خوشیوں کا اظہار سری لنکن دارالحکومت کولمبو میں بھارتی ٹینس اسٹار ثانیہ مرزا نے اپنے شوہر کرکٹر شعیب ملک اور پاکستانی کرکٹرزکے ساتھ مل کرجشن منایا۔ شعیب ملک نے ٹوئٹر پر ایک ویڈیو شیئر کی ہے جس میں وہ خود اور ان کی اہلیہ دیگر پاکستانی کرکٹرز کے ساتھ مل کر جیت کا جشن مناتے ہوئے رقص کررہے ہیں۔ بھارتی فلم ’’خوبصورت‘‘ کے گانے ’’ابھی تو پارٹی شروع ہوئی ہے‘‘ پر ثانیہ مرزا، شعیب ملک اور دیگر کھلاڑیوں نے جن میں احمد شہزاد، محمد عرفان، احسان عادل، مختاراحمد، بلال آصف اوربابراعظم شامل ہیں نےدل کھول کر رقص کیا۔