کولمبو(نیوز ڈیسک) سری لنکن کپتان اینجلو میتھیوز نے پاکستان کے خلاف تیسرے ایک روزہ میچ میں شکست کی وجہ پچ کے رویے میں ڈرامائی تبدیلی کو قرار دیا ہے۔پاکستان نے بلے بازوں کی ذمے دارانہ بیٹنگ کی بدولت چار وکٹ پر 316 رنز کا مجموعہ اسکور بورڈ کی زینت بنایا جہاں سرفراز احمد 77 رنز کے ساتھ سب سے کامیاب بلے باز رہے۔جواب میں یاسر شاہ کی چار وکٹوں اور فیلڈرز کی شاندار کارکردگی کی بدولت پاکستان نے سری لنکن ٹیم کو 181 رنز پر ٹھکانے لگا کر 135 رنز سے فتح اپنے نام کر کے سیریز میں 2-1 کی برتری بھی حاصل کر لی۔میتھیوز نے پاکستان کی جانب سے بڑا مجموعہ اسکور کرنے کے باوجود باو¿لنگ پر ذمے دار نہ ڈالتے ہوئے کہا کہ اختتامی اوورز میں باو¿لرز نے اچھی باو¿لنگ کی ورنہ ایک موقع پر ایسا محسوس ہوتا تھا کہ پاکستان 350 رنز کے قریب اسکور بنا لے گا لیکن ہم نے انہیں 316 رنز تک محدود رکھا۔تاہم انہوں نے شکست کی وجہ پچ کے رویے میں ڈرامائی تبدیلی کو قرار دیتے ہوئے کہا کہ دوسری اننگ میں وکٹ ٹرن ہونا شروع ہو گئی۔’گیند ٹرن ہونا شروع ہو گئی تھی اور رنز کرنا بہت مشکل تھا، پہلی اننگ میں پچ بیٹنگ کیلئے بہت اچھی تھی لیکن پھر اننگ کے دوسرے حصے میں یہ ٹرن ہونا شروع ہو گئی اور پھر ہماری بیٹنگ پرفارم نہ کر سکی‘۔میتھیوز نے کہا کہ یہ ایک مشکل وکٹ تھی اور ہمیں توقع نہیں تھی کہ یہ ٹرن کرے گی، یہ ٹرن ہونا شروع ہو گئی اور اسپنرز کے خلاف تیزی سے رنز کرنا بہت مشکل تھا۔اس موقع پر انہوں نے آل راو¿نڈر تھسارا پریرا کو شدید تنقید کا نشانہ بنایا جو تین میچوں میں صرف ایک وکٹ لینے کے ساتھ مجموعی طور پر صرف 28 رنز بنا سکے ہیں۔انہوں نے کہا کہ مجھے پریرا سے کافی امیدیں تھیں، وہ ہمارے لیے تسلس سے کارکردگی نہیں دکھا پا رہے، ہمیں ان پر یقین ہے لیکن ہم چاہتے ہیں کہ وہ ہمارے میچز جیتیں، ہمیں کارکردگی میں تسلسل کی ضرورت ہے۔تاہم اہوں نے لہیرو تھری مانے کی تعریف کرتے ہوئے کہا کہ جس طرح انہوں نے بیٹنگ کی اس پر ہم بہت خوش ہیں، وہ ایک باصلاحیت کھلاڑی ہیں اور ہمیں امید ہے کہ آئندہ میچز میں وہ اسی طرح کارکردگی دکھانے کا سلسلہ جاری رکھیں گے۔