آوران(نیوزڈیسک ) آواران میں فرنٹیئر کور کی کامیاب کارروائی میں سانحہ تربت اور مستونگ میں ملوث کالعدم تنظیم کے متعدد کمانڈر مارے گئے ۔ دہشتگردوں کے کئی ٹھکانے بھی تباہ کر دیئے گئے ، بڑی مقدار میں اسلحہ بھی برآمد کر لیا گیا ہے ۔ محکمہ داخلہ بلوچستان کے مطابق فرنٹیئر کور نے پنجگور آواران سرحد پر مالاڑ میں امن کے دشمنوں کے خلاف بڑا سرچ آپریشن کیا اور دہشت گردوں کے خفیہ ٹھکانوں پر چھاپے مارے ۔ ایف سی اور دہشت گردوں کے درمیان فائرنگ کے تبادلے میں فرنٹیئر ورکس آرگنائزیشن کے چوالیس ملازمین کے قتل میں ملوث کئی دہشتگرد مارے گئے ، ہلاک ہونیوالوں میں کالعدم تنظیم بی ایل ایف کے متعدد کمانڈر بھی شامل ہیں ۔ ترجمان کے مطابق ہلاک ہونے والے دہشت گرد عرصہ دراز سے بلوچستان کے مختلف علاقوں میں بد امنی اور دہشت گردی کی کارروائیوں میں ملوث تھے ۔ مارے جانے والے دہشت گرد سانحہ تربت اور سانحہ مستونگ میں بھی ملوث تھے ۔ آپریشن کے دوران دہشتگردوں کے کئی ٹھکانے بھی تباہ ہوگئے ، فورسز نے بھاری مقدار میں اسلحہ بارود بھی قبضے میں لے لیا