ممبئی ( آ ن لائن )بھارت میں کورونا کی تباہ کاریاں جاری ہیں، عالمی ادارہ صحت (ڈبلیو ایچ او) نے بھارت میں پائے جانے والی کورونا وائرس کی قسم (B.1.617) کو عالمی خطرہ قرار دے دیا ہے جبکہ     ملک میں مبینہ طور پر عالمی وبا کورونا وائرس سے ہلاک ہونے والے افراد کی لاشیں دریائے گنگا میں تیرنے لگیں۔ چالیس سے زائد افراد کی لاشیں گنگا میں تیرتی ہوئی بھارتی ریاست بہار

اور اتر پردیش کے کنارے پر آ گئیں۔ جبکہ مقامی میڈیا نے دعویٰ کیا کہ یہ لاشیں کورونا وائرس سے ہلاک ہونے والے افراد کی ہیں اور ان کی تعداد 100 تک ہے۔میڈیا  رپورٹس کے مطابق لاشوں کی حالت سے معلوم ہوتا ہے کہ یہ ایک ہفتے سے دریا میں تیر رہی تھیں۔ رپورٹس میں کہا گیا کہ درجنوں لاشوں کی حالت انتہائی خراب ہوچکی تھیں اور وہ گل سڑ چکی تھیں۔ ممکنہ طور یہ اْن مریضوں کی لاشیں ہیں جن کے لواحقین کو ان کی آخری رسومات اداکرنے کے لیے جگہ بھی نہیں ملی۔ مقامی عہدیدار کے مطابق چند لاشیں آدھی جلی ہوئی تھیں جب کہ چند کے پیٹ میں پانی بھرا ہوا تھا۔ مقامی عہدیدار نے کہا کہ ہم لاشیں نکال کر کارروائی کر رہے ہیں، تاہم یہ سْراغ لگانے کی بھی ضرورت ہے کہ آخر یہ لاشیں ا?ئی کہاں سے ہیں۔ ان کا کہنا تھا کہ یہ لاشیں یہاں کی نہیں لگ رہیں، کیونکہ ہارے یہاں مردے کو دریا میں بہانے کی روایت موجود نہیں ہے۔ واضح رہے کہ بھارت میں عالمی وبا کورونا وائرس کی وجہ سے روزانہ کی بنیاد پر ہزاروں اموات ہو رہی ہیں۔جبکہ دوسری جانب عالمی ادارہ صحت (ڈبلیو ایچ او) نے بھارت میں پائے جانے والی کورونا وائرس کی قسم (B.1.617) کو عالمی خطرہ قرار دے دیا ہے۔ ڈبلیو ایچ او کی ٹیکنیکل لیڈ کوویڈ 19 ماریہ وین کیرخووے نے بتایا کہ ایسی اطلاعات موجود ہیں کہ بھارت میں پائے جانے والے کورونا وائرس کے پھیلاو کی شرح بہت زیادہ ہے۔ واضح رہے کہ بھارت میں آئے روز کورونا وائرس سے متاثر اور ہلاک ہونے والوں کی تعداد کا نیا ریکارڈ بن رہا ہے۔