اسلام آباد (این این آئی) جمعیت علمائے اسلام (ف) کے سربراہ مولانا فضل الرحمن نے بیت المقدس پر اسرائیل کی جانب سے حملہ کے معاملے پر رد عمل کا اظہار کرتے ہوئے کہا ہے کہ اسرائیل کو تسلیم کرنے والے مسلم ممالک کی آنکھیں کھل جانی چاہئیں،فلسطین پر اسرائیل کا ناجائز قبضہ مسلم اْمّہ کو قبول نہیں۔ اپنے بیان میں
مولانا فضل الرحمن نے کہاکہ ماہ مقدس میں عبادت میں مصروف قبلہ اوّل بیت المقدس میں فلسطینی مسلمانوں پر اسرائیلی جارحیت کی مذمت کرتے ہیں۔ انہوںنے کہاکہ او آئی سی اور مسلم ممالک کے حکمرانوں کی ذمہ داری ہے کہ وہ عالمی سطح پر اس ظلم و بربریت کے خلاف آواز بلند کرے۔مولانا فضل الرحمان نے کہاکہ اسرائیل ایک دہشت گرد ملک ہے اور اس کی دہشت گردی نے پورے عالم اسلام کو اپنی لپیٹ میں لیا ہوا ہے۔انہوںنے کہاکہ اسرائیل کو تسلیم کرنے والے مسلم ممالک کی آنکھیں کھل جانی چاہئے،فلسطین پر اسرائیل کا ناجائز قبضہ مسلم اْمّہ کو قبول نہیں۔ انہوںنے کہاکہ امریکہ کی زیرسر پرستی جاری یہ دہشت گردی اس بات کا ثبوت ہے کہ امریکہ سب سے بڑا دہشت گرد ہے۔انہوںنے کہاکہ مسلم ممالک کے حکمران اگر حسب سابق غفلت کا مظاہرہ کرتے ہیں تو مسلم اْمّہ سے اپیل کرتاہوں کہ وہ پوری دنیا میں اسرائیل کے خلاف اپنا احتجاج ریکارڈ کروائیں۔انہوں نے کہاکہ جمعیت علماء اسلام فلسطینی بھائیوں کے قدم بقدم اور شانہ بشانہ حمایت کا اعلان کرتی ہے۔ مولانا فضل الرحمن نے بیت المقدس پر اسرائیل کی جانب سے حملہ کے معاملے پر رد عمل کا اظہار کرتے ہوئے کہا ہے کہ اسرائیل کو تسلیم کرنے والے مسلم ممالک کی آنکھیں کھل جانی چاہئیں،فلسطین پر اسرائیل کا ناجائز قبضہ مسلم اْمّہ کو قبول نہیں۔
