اسلام آباد(مانیٹرنگ ڈیسک)حساس ادارے کے سابق آفیسر کو تھانہ شمس کالونی کے علاقے میں قتل کردیا گیا۔نجی ٹی وی کی رپورٹ کے مطابق جائے وقوعہ پر پہنچ کر پولیس نے لاش پمز ہسپتال منتقل کردی۔ کرنل (ر) طارق قریشی کو نامعلوم افراد نے فائرنگ کر کے قتل کیا۔ ریٹائرڈ کرنل طارق قریشی کی لاش واش روم میں پڑی تھی۔ نجی
ٹی وی کی رپورٹ کے مطابق طارق قریشی کا ملازم، گاڑی اور دو موبائل فون بھی غائب ہیں جن کا ریکارڈ حاصل کیا جارہا ہے۔ ان کے ساتھ ان کی منہ بولی بیٹی بھی رہتی تھی، مقتول کے بیٹے صادق کی درخواست پر مقدمہ درج کر لیا گیا ہے، پولیس کا کہنا ہے کہ تفتیش کا عمل جاری ہے اور جلد ہی ملزمان کو گرفتار کرلیا جائے گا۔
