اسلام آباد (مانیٹرنگ ڈیسک/این این آئی)وفاقی وزیر تعلیم شفقت محمود نے کہا ہے کہ نویں اور گیارہویں جماعت کے امتحانات شیڈول کے مطابق لیے جائیں گے۔سماجی رابطے کی ویب سائٹ ٹوئٹر پر وفاقی وزیر تعلیم شفقت محمود نے بیان میں کہا ہے کہ نویں اور گیارہویں جماعت کے امتحانات نہ
ہونے سے متعلق خبروں کو افواہیں غلط ہیں ،امتحانات طے شدہ شیڈول کے مطابق ہی ہونگے۔قبل ازیںکورونا کے باعث تعلیمی اداروں کی بندش اور امتحانات کے حوالے سے وزرائے تعلیم کے اجلاس میں فیصلہ کیا گیا ہے کہ اے لیول کے امتحانات شیڈول کیمطابق لئے جائیں گے ، دسویں اور بارہویں کے امتحانات دیگر جماعتوں کے امتحانات سے پہلے لیے جائیں گے۔نجی ٹی وی کے مطابق وفاقی وزیر تعلیم شفقت محمود کی زیرصدارت بین الصوبائی وزرائے تعلیم کا اجلاس ہوا جس میں صوبوں کے وزرائے تعلیم نے وڈیولنک کے ذریعے شرکت کی۔اجلاس میں فیصلہ کیا گیا کہ دسویں اور بارہویں کے امتحانات دیگر جماعتوں سے پہلے لیے جائیں گے، صوبے دسویں اور بارہویں کیامتحانات کاشیڈول جلدجاری کریں گے۔اے لیول کے امتحانات شیڈول کے مطابق لئے جائیں گے ،نویں اور گیارہویں کے امتحانات کا فیصلہ کورونا صورتحال کے تحت ہوگا۔امتحان مختصر کرنے، لازمی کے بجائیصرف اختیاری مضامین کے پیپر لینے کی تجویر پر غور کیاگیا۔ اجلاس میں طے کیا گیا کہ امتحانات کی تاریخوں اور طریقہ کار سے متعلق حتمی فیصلہ عید کے بعد کیا جائے گا۔
