اسلام آباد(مانیٹرنگ ڈیسک ٗاے پی پی)خوشاب میں واقع دیہی مرکزِ صحت کو پولنگ اسٹیشن نمبر 81 میں تبدیل کیا گیا ہے جہاں ووٹر اپنا ووٹ کاسٹ کر رہے ہیں۔مرکزِ صحت میں جہاں ووٹر اپنا ووٹ کاسٹ کررہے

ہیں وہیں اس دوران لیبر روم میں بھی کام جاری ہے جہاں خاتون نے ایک بچے کو جنم دیا ہے۔نومولود کے والد نے گفتگو کرتے ہوئے کہا کہ یہ ان کا پہلا بچہ ہے اور انہیں بہت خوشی ہے کہ یہ الیکشن کے دن پیدا ہوا ہے جب کہ وہ بچے کا نام بعد میں سوچ کر رکھیں گے۔دوسری جانب پنجاب اسمبلی کے حلقہ پی پی ۔84خوشاب کے پولنگ سٹیشن 211 پر کورونا ایس او پیز کی خلاف ورزی پر فوری کارروائی کرتے ہوئے صوبائی الیکشن کمشنر پنجاب نے ڈی آراو، ڈپٹی کمشنر کو ہدایات جاری کردیں۔ڈسٹرکٹ ریٹرننگ آفیسر نے متعلقہ پولنگ عملے کو کورونا ایس اوپیز پر سختی سے عمل کرانے کی ہدایات جاری کر دیں۔الیکشن کمیشن کی مانیٹرنگ ٹیمیں بھی کورونا ایس او پیز پر سختی سے عمل کروانے کیلئے سرگرم رہے۔