لاہور(نیوزڈیسک)پنجاب کےوزیر اعلیٰ محمدشہباز شریف کاکہناہے کہ عوام کےجان و مال کے تحفظ کےلئےہرممکن اقدامات کئے جارہے ہیں، جمعۃ الوداع، چاند رات اورعیدالفطر کےمواقع پر فول پروف سیکیورٹی کے انتظامات ہر صورت یقینی بنائےجائیں گے۔ شہبازشریف نےلاہورمیں پنجاب میں امن و امان کی صورتحال اور پنجاب ریونیو اتھارٹی کےحوالےسےاجلاسوں کی صدارت کی،امن و امان کے حوالےسےاجلاس میں شہبازشریف نےہدایت کی کہ پولیس امن عامہ کی صورتحال کو مزیدبہتر بنانے کیلئے محنت اور جانفشانی سے فرائض انجام دے،جمعۃ الوداع،چاند رات اورعید کےمواقع پرمساجد،امام بارگاہوں، مارکیٹوں،بازاروں اور شاپنگ سنٹرز میں پولیس کی اضافی نفری تعینات کی جائے۔ پنجاب ریونیو اتھارٹی کے اجلا س سے میں وزیراعلیٰ کا کہنا تھا کہ عوام کو ریلیف دینے کےلیےوسائل میں اضافہ وقت کی اہم ضرورت ہے، حکومت وسائل کے درست استعمال کو یقینی بنانے کےلیے مؤثر اقدامات کر رہی ہے۔