اسلام آباد(نیوزڈیسک)پی ٹی آئی کےچیئرمین عمران خان کی اہلیہ ریحام خان 3اپریل 1973ءکو لیبیا میں پیدا ہوئیں اور زیادہ تر تعلیم برطانیہ میں حاصل کی۔ انہوں نے اپنی بیچلر ڈگری ایجوکیشن میں حاصل کی۔ ریحام خان نے اپنی ویب سائٹ پر لنکن شائرکےنارتھ لنزے کالج سےبراڈکاسٹ جرنلزم میں کورس کرنےکادعویٰ کیا ہے۔ 2006ءمیں اپنی پڑھائی کے اخراجات پورے کرنے کے لئے انہوں نے برطانیہ کے لیگل ٹی وی میں ملازمت اختیار کی۔ 2007ءمیں انہوں نے برطانیہ کے سن شائن ریڈیو میں ملازمت بھی کی۔ 2008ءمیں انہوں نے بحیثیت براڈ کاسٹ جرنلسٹ برطانوی نشریاتی ادارے بی بی سی کو جوائن کیا اورموسم کی خبریں پڑھتی رہیں۔ 2013ءمیں وہ پاکستان آئیں اور ایک نجی چینل پر حالات حاضرہ کے پروگرام کی میزبانی بھی کی۔ 2014ءمیں انہوں نے ایک اور پاکستانی نجی چینل جوائن کیا۔ 2015ءمیں عمران خان سے شادی کے بعد وہ ایک نئے شو کے ساتھ پاکستانی نجی چینل پر جلوہ گر ہوئیں۔ ریحام خان نے ایک پاکستانی فلم ’’جاناں‘‘ میں بھی سرمایہ کاری کی ہے۔ ان کی پہلی شادی 19برس کی عمر میں ان کے فرسٹ کزن اور برطانوی ماہر نفسیات اعجاز رحمان سے ہوئی،لیکن یہ شادی چل نہ سکی،ریحام خان کے اعجاز رحمان سے 3بچے ہیں۔