اوکاڑہ (آن لائن)ایم پی اے اور مسلم لیگ ن کے راہنما چودھری منیب الحق نے کہا ہے کہ وزارتیں تبدیل کرنے سے پاکستان نہیں چل سکتا نواز شریف سے معافی مانگ لو عوام اور پاکستان کے حالات بہتر ہوجائیں گے ان خیالات کا اظہار انہوںنے اوکاڑہ میڈیا سنٹر کے ایک وفد سے بات چیت کرتے ہوئے کیا جس کی قیادت وحید آرائیں کر رہے تھے چودھری منیب الحق نے کہا ہے کہ عمران نیازی ٹولہ نے وزارتوں میں کرکٹ کی طرح اچھل کود اور تبدیلیوں کو نہ تھمنے
والا سلسلہ شروع کر رکھا ہے لیکن اس کے باوجود ملک چل نہیں رہا کیوںکہ ملک چلانے کے لئے ویژن او رٹیم کی ضرورت ہوتی ہے جو موجود ہ حکمرانوں کے پاس نہیں ہے ایک سوال کے جواب میں انہوں نے کہا کہ اگر نواز شریف سے معافی مانگ لی جائے تو وہ اس ملک کو نہ صرف چلا دیں گے بلکہ دنیا میں تیزی سے ترقی کرنے والی معیشت کی صف میں کھڑا کر دیں گے جس سے عوام اور پاکستان کے حالات بہتر سے بہتر ہونا شروع ہو جائیں گے۔
