اسلام آباد (مانیٹرنگ ڈیسک /این این آئی)نجی ٹی وی پروگرا میں سینئر تجزیہ کار عارف حمید بھٹی نے انکشاف کیا ہے کہ گزشتہ رات جہانگیر ترین کو ن لیگ کی طرف سے بڑی پیشکش کی گئی ہے ، ن لیگ نے جہانگیر ترین سے کہا ہے اگر آپ ہاں کر دیں تو ہم عید سے پہلے عید منا لیں گے۔
انکا کہنا تھا کہ ن لیگ کی جانب سے کہا گیا ہے کہ اگر آپ ہمارے ساتھ چلتے ہیں تو ہم روزوں میں آپ کو خوشخبری دیں گے ہمارے لوگ اور تمہارے لوگ اتنے ہیں ۔ تاہم جہانگیر ترین کی جانب سےفی الحال انکار کیا گیا ہے ، دونوں طرف بات کی نوعیت کیا ہے یہ آنے والا وقت بتائےگا ۔ واضح رہے کہ حکومتی وزرا نے وزیراعظم عمران خان اورجہانگیرترین کے درمیان رابطے کیلئے کوششیں تیز کردیں۔ نجی ٹی و ی کے مطابق جہانگیر ترین کے معاملے پر حکومتی وزرا متحرک ہوگئے ، وزرا نے وزیراعظم اورجہانگیرترین کے درمیان رابطے کیلئے کوششیں تیز کردیں۔ذرائع کے مطابق بعض حکومتی وزرا کے جہانگیرترین سے بیک ڈور رابطے میں ہیں ،وزیراعظم کے قریبی ساتھی بھی جہانگیرترین سے صلح کے خواہشمند ہیں۔جہانگیرترین کے ہم خیال گروپ کے وزیراعظم سے ملاقات کیلئے رابطے جاری ہے ، حکومتی اراکین کے مطابق چاہتے ہیں معاملہ افہام وتفہیم سے حل ہو، سخت بیانات سے گریزبہت ضروری ہے۔
