پالی کیلے(نیوز ڈیسک) پانچ ایک روزہ میچوں کی سیریز کے دوسرے میچ میں پاکستان کی سری لنکا کے خلاف بیٹنگ جاری ہے۔سری لنکا کے پالی کیلے کرکٹ گراو¿نڈ میں کھیلے جا رہے میچ میں قومی ٹیم کی آئی لینڈرز کے خلاف بیٹنگ جاری ہے اور پاکستان نے 7 اوورز میں بغیر کسی وکٹ کے نقصان کے 22 رنز بنا لئے ہیں۔ پاکستان کی جانب سے احمد شہزاد اور کپتان اظہر علی نے اننگز کا آغاز کیا۔قبل ازیں پاکستان کے کپتان نے ٹاس جیت کر میزبان ٹیم کے خلاف پہلے بیٹنگ کا فیصلہ کیا۔ قومی ٹیم میں کوئی تبدیلی نہیں کی گئی ہے اور پہلا میچ کھیلنے والے کھلاڑیوں کو ہی برقرار رکھا گیا ہے جب کہ سری لنکن ٹیم میں 2 تبدیلیاں کی گئی ہیں۔ سکوگی پراسنا کی جگہ سچتھ پتھیرانا اور سرنگا لکمل کی جگہ نوان پرادیپ کو موقع دیا گیا ہے۔واضح رہے کہ پاکستان نے پہلے ون ڈے میں محمد حفیظ کی شاندار آل راو¿نڈ پرمارمنس کے باعث سری لنکا کو 6 وکٹوں سے شکست دی تھی