اسلام آباد (مانیٹرنگ+ این این آئی)وزیراعظم عمران خان نے بجلی کی قیمت بڑھانے سے روک دیا، یہ بات وزیراعظم کے معاون خصوصی برائے امور توانائی تابش گوہرنے نجی ٹی وی چینل سے بات کرتے ہوئے بتائی، انہوں نے کہا کہ اب بجلی کی قیمتیں نہیں بڑھائی جائیں گی۔انہوں نے بتایا کہ وزیراعظم عمران خان سے بجلی کی

قیمتوں کے معاملے پر بات ہوئی ہے، وزیراعظم نے بجلی کی قیمتیں بڑھانے سے منع کردیا ہے۔وزیر اعظم عمران خان سے اٹارنی جنرل خالد جاوید خان نے ملاقات کی جس میں اٹارنی جنرل نے وزیر اعظم کو اہم کیسز کے حوالے سے بریف کیا۔دوران گفتگو وزیر اعظم عمران خان نے کہا کہ ان کے دل میں اعلی عدلیہ کا بے انتہا احترام ہے۔ انہوں نے کہاہک فیصلہ حق میں ہو یا خلاف، عدلیہ کی تعظیم سب کے لیے لازم ہے اور یہی جمہوریت کو مضبوط کرنے کا طریقہ ہے۔ وزیر اعظم نے کہا کہ عدلیہ کی جانب سے رہنمائی کے لیے ان کے شکر گزار ہیں۔وزیراعظم عمران خان نے کہا ہے کہ پاکستان سنگل ونڈو ایکٹ 2021 پاکستان تحریکِ انصاف (پی ٹی آئی) حکومت کا تاریخی اقدام ہے۔اپنے بیان میں انہوں نے کہا کہ تحریک انصاف کی حکومت کا ایک اور تاریخی اقدام، پاکستان سنگل ونڈو ایکٹ 2021 پی ٹی آئی حکومت کا تاریخی اقدام ہے، پاکستان سنگل ونڈو ایکٹ سے برآمدات اور درمدات میں آسانی ہوگی۔وزیر اعظم عمران خان نے ٹوئٹر پر جاری پیغام میں کہا کہ پاکستان سنگل ونڈو سے سالانہ 50 کروڑ بچت، کارگو کلیئرنس میں وقت کی بچت ہوگی۔عمران خان نے کہا کہ خودمختار اتھارٹی پاکستان سنگل ونڈو کے انتظامات دیکھے گی، پاکستان کے بین الاقوامی تجارت کا مرکزبننے کے امکانات بڑھ جائیں گے۔وزیر

اعظم عمران خان نے ترسیلات زر سے متعلق بیرون ملک مقیم پاکستانیوں سے اظہار تشکر کرتے ہوئے کہاہے کہ بیرون ملک مقیم پاکستانیوں کی پاکستان سے محبت بے مثال ہے۔سماجی روابط کی ویب سائٹ ٹوئٹر پر انہوں نے کہا کہ بیرون ملک مقیم پاکستانیوں کی پاکستان سے محبت اور وابستگی بے مثال ہے، آپ نے تمام ریکارڈ توڑ

کر کووڈ کے باوجود مسلسل 10 ماہ 2 ارب ڈالر سے زائد بھیجے ہیں۔انہوں نے کہا کہ آپ کی ترسیلات زر مارچ میں بڑھ کر 2 ارب 70 کروڑ ڈالر ہوگئیں جو گزشتہ برس کے مقابلے میں 43 فیصد زیادہ ہیں۔وزیر اعظم عمران خان نے کہا کہ رواں مالی سال میں اب تک آپ کی ترسیلات زر میں 26 فیصد اضافہ ہوا ہے۔

موضوعات:بجلی کی قیمت