اسلام آباد(آن لائن)پاکستان پیپلزپارٹی کے رہنما و سابق چیئرمین سینیٹ رضا ربانی نے عالمی مالیاتی فنڈ (آئی ایم ایف) اور حکومت کے درمیان نئی شرائط پر سخت تنقید کی ہے۔اپنے بیان میں رضا ربانی کا کہناتھاکہ حکومت نے عوام اورپارلیمنٹ کو آئی ایم ایف کے ساتھ طے نئی شرائط سے اندھیرے میں رکھا، عوام اور پارلیمنٹ کو ان شرائط کا علم آئی ایم ایف کے جاری دستاویزات سے ہوا۔ رضا ربانی

نے کہا کہ حکومت کی جانب سے غیر شفافیت کی سخت الفاظ میں مذمت کرتے ہیں۔ان کا کہنا تھاکہ حکومت نے آئی ایم ایف کے ساتھ ٹیکسز میں 1.272 ٹریلین روپے اضافے پر اتفاق کیا ہے، حکومت نے بجلی کی نرخوں میں 4 روپے 97 پیسے فی یونٹ اضافہ پر اتفاق کیا ہے۔ رضا ربانی کا کہنا تھاکہ پاکستان کی معاشی خود مختاری کو آئی ایم ایف کے ساتھ بارٹر کر دیا گیا ہے۔

موضوعات:رضا ربانی