ہفتہ‬‮ ، 05 اپریل‬‮ 2025 

پی ایس ایل ملتوی ، شائقین کرکٹ افسردہ ہوگئے PSL Postponed کا ہیش ٹیگ بھی ٹاپ ٹرینڈ

datetime 5  مارچ‬‮  2021
ہمارا واٹس ایپ چینل جوائن کریں

اسلام آباد (این این آئی)پاکستان سپر لیگ (پی ایس ایل) کے چھٹے سیزن کے دوران کورونا وائرس کے 7 کیسز سامنے آنے کے بعد لیگ کو ملتوی کرنے پر شائقین کرکٹ افسردہ ہوگئے۔تفصیلات کے مطابق کورونا وائرس کے کیسز کی وجہ سے سیزن 6 کے 15ویں میچ کے آغاز سے چند گھنٹے قبل پاکستان سپر لیگ کو ملتوی کرنے کے اعلان کے باعث شائقین

کرکٹ کی خوشیاں ماند پڑگئی ہیں جو عالمی وبا کے باوجود کرکٹ ایونٹ شروع ہونے پر کافی پرجوش تھے۔پاکستان سپر لیگ کے ابتدائی میچز کراچی میں کھیلے جارہے تھے جس کے بعد باقی میچز لاہور میں کھیلے جانے تھے۔ایونٹ کا آغاز 20 فروری سے ہوا تھا جبکہ فائنل 22 مارچ کو لاہور میں کھیلا جانا تھا لیکن مجموعی طور پر کورونا کے 7 کیسز سامنے آنے کے بعد پاکستان کرکٹ بورڈ نے پی ایس ایل 6 کو فوری طور پر ملتوی کردیا۔پی ایس ایل سپر لیگ اچانک ملتوی ہونے پر سوشل میڈیا صارفین کی جانب سے دکھ کا اظہار کیا جانے لگا، کچھ کی جانب سے کورونا کیسز سامنے آنے پر پی سی بی پر تنقید بھی کی گئی اور اس حوالے سے PSL Postponed کا ہیش ٹیگ بھی ٹاپ ٹرینڈ کرنے لگا ۔رخسار نامی صارف نے لکھا کہ پی ایس ایل ملتوی ہوگیا اور سب اداس ہیں۔صحافی احتشام الحق نے ٹوئٹ کی کہ تمام غیر ذمہ دار کھلاڑیوں اور انتظامیہ کا شکریہ کہ پی ایس ایل 6 کے پورے ٹورنامنٹ کو تباہ کردیا گیا۔احسن نامی صارف

نے لکھا کہ ہماری خوشی کا واحد ذریعہ پی ایس ایل 6 ملتوی ہوگیا اب ہم کیا کریں۔چلبلی نامی ٹوئٹر ہینڈل نے لکھا کہ پی ایس ایل ملتوی ہوگیا یہ ایک بہت اداس صبح ہے۔پھوپھو کا بیٹا نامی ٹوئٹر ہینڈل نے لکھا کہ کھلاڑیوں اور عملے میں کورونا کے بڑھتے کیسز کی وجہ سے پی ایس ایل

ملتوی ہوگیا ہے اور میں بہت دکھی ہوں۔ادیبہ نامی صارف نے لکھا کہ لوگ پی ایس ایل کا لطف اٹھارہے تھے اور کورونا چپکے سے آگیا۔ونیاسا نامی ٹوئٹر ہینڈل نے لکھا کہ یہ بہت بڑی شرمندگی ہے یہ مقبول ٹورنامنٹ کو سنبھالنے کا طریقہ نہیں ہے۔رحمٰن اے نامی صارف نے لکھا کہ

پی ایس ایل ملتوی ہوگیا اور جاوید آفریدی افسردہ ہیں۔اسلام آباد یونائیٹڈ کے کپتان شاداب خان نے ٹوئٹ کی کہ ‘یااللہ ہمارے پی ایس ایل کو کس نے نظر لگادی۔کرکٹر محمد حفیظ نے لکھا کہ پی ایس ایل 6 سے متعلق افسوسناک خبر، سب محفوظ رہیں۔مان رحمن نامی صارف نے تو 14 میچز

کے ساتھ کراچی کنگز کو پی ایس ایل 6 کا فاتح قرار دے دیا۔ایک اور ٹوئٹ میں انہوں نے کہا کہ ٹوئٹر پر سب رو رہے ہیں۔یاد رہے کہ گزشتہ برس پی ایس ایل کا گزشتہ سیزن بھی کورونا وائرس کی وجہ سے ملتوی ہوگیا تھا جس کے بعد نومبر 2020 میں کھیلے گئے باقی میچز میں کراچی کنگز سیزن کا فاتح قرار پائی تھی۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…