کراچی (یواین پی) پاکستان سُپر لیگ 6 میں شائقین میچ میں کرکٹ کے علاوہ جوش و خروش قائم رکھتے ہوئے سینئرز کی عزت، مختلف اشارے بازیوں، شرارتوں اور منفرد انداز سے لطف اندوز ہوتے ہیں۔ کراچی کنگز اور لاہور قلندرز کے میچ کے دوران بھی ایسا ہی ایک منظر دیکھنے میں آیا کہ جب قومی ٹیم کے ٹاپ سٹرائیک بائولر اور قومی ٹیم کے کپتان کا آمنا سامنا ہوا۔
لاہور قلندرز کے شاہین شاہ آفریدی کا کراچی کنگز کے بابراعظم کو کلین بولڈ کرکے گلے لگانے اور معذرت کرنے کے خوبصورت منظر کو شائقین نے میچ کا بہترین لمحہ قرار دیا اورشاہین آفریدی کے کپتان کو عزت بخشنے کے اقدام کو سراہا۔میچ کے بعد ایک سوال کے جواب میں شاہین شاہ آفریدی کا کہنا تھا کہ ‘بابراعظم دنیائے کرکٹ کے نمبر ون کھلاڑی ہیں اس لیے انہیں آؤٹ کرکے مجھے لگا کہ ان کی وکٹ کا جشن نہیں منانا چاہئے اور اسی لیے میں نے جا کر انہیں ‘سوری’ کہا’۔شاہین شاہ آفریدی کی جانب سے سینئرز کیلئے ایسے رویے کی گونج بھارت میں بھی سنائی دی۔ بھارتی مداح بھی بابراعظم اور شاہین آفریدی کے درمیان اس خوبصورت منظر سے لطف اندوز ہوئے۔انٹرنیشنل کرکٹ کونسل(آئی سی سی) نے بھی شاہین شاہ آفریدی کی ویڈیو ٹویٹ کرتے ہوئے لکھا کہ ‘شاہین شاہ آفریدی مستقبل قریب میں بھی یہ منظر نہیں بھولیں گے کہ انہوں نے اپنے کپتان کی وکٹ گرائی ہے’۔پاکستانی شائقین کی جانب سے شاہین کو اس وجہ سے سراہا جارہا ہے کہ فاسٹ بائولر جانتے ہیں کہ سینئرز کو کیسے عزت دی جاتی ہیایک صارف نے کہا کہ ‘ان دونوں کی کیمسٹری لاجواب ہے’۔سوشل میڈیا پر بابراعظم اور شاہین آفریدی کے بارے میں مختلف قسم کے مزاحیہ چٹکلے بھی شیئر کیے جارہے ہیں، ایک صارف نے کہا کہ ‘مجھے بھی کوئی ایسا شخص چاہئے جو مجھے بالکل اسی انداز سے دیکھے جیسے شاہین آفریدی بابراعظم کو دیکھ رہا ہے’۔ایک صارف نے کہا کہ ‘پاکستان سُپر لیگ کا کوئی مقابلہ نہیں،ایسے مناظر ہمیں پی ایس ایل سے محبت کرنے پر مجبور کردیتے ہیں۔
