لاہور ،اسلام آباد(این این آئی) پنجاب بھر کے سرکاری ونجی سکولوں میں کورونا کیسز کی تعداد 209 پر پہنچ گئی۔مذکورہ کیسز سرکاری ونجی سکولوں سے رپورٹ ہوئے ہیں۔ اساتذہ وطلبا میں کورونا کے مثبت آنے کی ریشو اعشاریہ 6 فیصد رہی ہے۔لاہور میں اب تک سرکاری
سکولوں سے 16 کیسز سامنے آئے ہیں۔زیادہ کیسز طالب علموں میں رپورٹ ہوئے ہیں۔لاہور میں اب تک 10 طلبا اور 5 اساتذہ اور ایک کلرک میں کورونا وائرس کی تصدیق ہوئی ہے۔ ایجوکیشن لاہور کے مطابق ابھی تک شہر میں تین سکولوں سے زائد کیسز رپورٹ ہونے پرانہیں سیل کیا جاچکاہے۔دوسری جانب ملک میں کورونا وائرس سے مزید 59افراد انتقال کر گئے اور 1037نئے کیسز رپورٹ ہوئے ۔سرکاری اعدادوشمار کے مطابق گزشتہ 24گھنٹوں کے دوران ملک بھر میں کورونا کے 32149ٹیسٹ کیے گئے جن میں سے 1037افراد میں کورونا وائرس کی تصدیق ہوئی جبکہ وائرس سے 59 افراد انتقال کر گئے جس سے ملک میں کورونا سے ہلاکتوں کی تعداد 12026 ہو گئی ہے اور مجموعی کیسز 5 لاکھ 55511 تک جاپہنچے ہیں ب کہ فعال کیسز کی تعداد 31983 ہے۔اس کے علاوہ 24 گھنٹوں کے دوران ملک بھر میں 1260 مریض کورونا سے صحتیاب بھی ہوئے جس کے بعد مجموعی طور پر صحتیاب ہونے والوں کی تعداد
5 لاکھ 11502 ہو گئی ۔سرکاری پورٹل کے مطابق سندھ میں کورونا کے مریضوں کی مجموعی تعداد 251047ہوگئی ہے جبکہ 4119افراد اب تک انتقال کرچکے ہیں۔پنجاب میں کورونا کے کل مریضوں کی تعداد 160935 ہے اور 4900 افراد وائرس میں مبتلا ہوکر جان سے
جاچکے ہیں جب کہ بلوچستان میں مریضوں کی کل تعداد 18869 اور ہلاکتیں 196 ہو چکی ہیں۔خیبرپختونخوا میں کورونا کے مریضوں کی تعداد 68531 اور 1957 ہلاکتیں ہو چکی ہیں جبکہ آزاد کشمیر میں 9219 افراد وائرس میں مبتلا ہوچکے ہیں اور 272 افراد انتقال کرگئے۔گلگت بلتستان میں اب تک کورونا کے مریضوں کی تعداد 4916 اور 102 افراد انتقال کرچکے ہیں۔پورٹل کے مطابق وفاقی دارالحکومت اسلام آباد میں کورونا کے مریضوں کی مجموعی تعداد 41994 ہے اور اب تک 480 مریض انتقال کر چکے ہیں۔
