لاہور(نیوزڈیسک)وزیر اعلیٰ پنجاب شہباز شریف کا کہنا ہے کہ تعمیراتی منصوبوں کے ایسے ٹھیکیدار جو قوم کے خون پسینے کی کمائی پر لوٹ مار کرتے ہیں،ان کی جگہ جیل ہے،وزیراعلیٰ شہبازشریف کی زیرصدارت اجلاس میں”خادم پنجاب دیہی روڈز پروگرام“ پر پیش رفت کا جائزہ لیا گیا،وزیر اعلیٰ کا کہنا تھا کہ دیہی سڑکوں کی تعمیر و بحالی کیلئے3 برس کے دوران 150 ارب روپے خرچ کیے جائیں گے،پہلے مرحلے میں 255 سڑکوں کی تعمیر و بحالی کا کام 30 ستمبر تک مکمل کیا جائےگا، ان کا کہنا تھا کہ نوتعمیر یا مرمت ہونے والی سڑکوں کی دیکھ بھال کی ذمہ داری 3 برس تک کنٹریکٹرز کی ہونی چاہیئے،جہاں غیرمعیاری تعمیراتی مٹیریل کی شکایت ملی،سخت ایکشن لیا جائےگا۔