اسلام آباد،لاہور (این این آئی)حادثے کا شکار ہونے والی مریم نواز کی بیٹی مہر النسا کو گھر منتقل کر دیا گیا۔مسلم لیگ (ن) کی نائب صدر مریم نواز کی بیٹی مہرالنسا گزشتہ روز گالف کی کار ڈرائیو کرتے ہوئے حادثے کا شکار ہو گئی تھیں۔
مہر النسا کے سر میں چوٹ آئی تھی اور اسپتال میں ان کے سر کی سرجری بھی کی گئی تھی لیکن طبیعت بہتر ہونے کے بعد مریم نواز کی صاحبزادی کو شریف میڈیکل سٹی اسپتال جاتی امرا سے گھر منتقل کر دیا گیااوران کی طبیعت اب پہلے سے کافی بہتر بتائی گئی ہے۔دوسری جانب مسلم لیگ(ن)کی نائب صد رمریم صفدرکے پولیٹیکل سیکرٹری ذیشان ملک نے کہا ہے کہ مریم نوازکی بڑی صاحبزادی مہر النسا کی طبیعت بہترہے ۔ٹوئٹر پر اپنے بیان میں ذیشان ملک نے کہا کہ صحتیابی کے لئے دعائیں کرنے والوں کے مشکور ہیں۔دریں اثنا پاکستان ڈیموکریٹک موومنٹ (پی ڈی ایم)کے سربراہ مولانا فضل الرحمن نے مریم نواز کو ٹیلی فون کرکے ان کی صاحبزادی مہرالنسا کی خیریت دریافت کی۔مولانا فضل الرحمن نے مریم نواز کی صاحبزادی مہرالنسا کی جلد صحتیابی کیلئے دعا بھی کی۔
