اسلام آباد(مانیٹرنگ ڈیسک)عوام سے براہ راست رابطے کیلئے وزیر اعظم عمران خان کی جانب سے ایک زبردست اور انقلابی قدم اٹھا یا گیا ہے ،تفصیلات کے مطابق اگر آپ کسی بھی سرکاری محکمے ، طاقتور مافیاز، مہنگائی یاکسی اور مسئلے پر وزیر اعظم عمران خان سے

ڈائریکٹ بات کرنا چاہتے ہیں تو ابھی 051-9210809ملائیں اور انہیں اپنا مسئلہ بتائیں ، ٹیلیفون لائنز کھول دی گئی ہیں اور آپ 4بجے سے لیکر شام 5بجے تک نمبر ملا سکتے ہیں ، عوام سے رابطے کیلئے اس ٹرانسمیشن کی بڑے پیمانے پر تشہیر بھی کی گئی ہے اور تمام چھوٹے  بڑے اخبارات میں اس سلسلے میں اشتہار شائع کروائے گئے ہیں ، جس کا عنوان ہے ”آپ کا وزیر اعظم آپ کے ساتھ ”بعض جگہوں سے شکایا ت آرہی ہیں کہ فون نمبرمسلسل مصروف جارہا ہے ، لیکن آپ صبر کا دامن ہاتھ سے نہ چھوڑیں اور یہ ایک گھنٹہ مسلسل نمبر ڈائل کریں ، ہو سکتا ہے آپ کا نمبر مل جائے اور آپ وزیر اعظم عمران خان سے بات چیت کر پائیں ، دوسروں کو موقع دینے کیلئے اپنا سوال مختصر رکھیں تاکہ زیادہ سے زیادہ افراد اپنی آواز وزیر اعظم تک پہنچا سکیں ، عوامی حلقوں نے وزیر اعظم کے اس اقدام کا بھرپور خیر مقدم کیا ہے اور کہا ہے کہ یہ سلسلہ یونہی جاری رہنا چاہئے تاکہ حکومت اور عوام کے درمیان پایا جانے والا خلا پر ہوسکے۔