دبئی (این این آئی)متحد عرب امارات (یو اے ای) میں 10ہزار سے زائد پاکستانیوں کو شناختی کارڈ موصول نہ ہونے پر مشکلات اور پریشانی کا سامنا ہے۔ذرائع کے مطابق شناختی کارڈ پاکستان سے عرب امارات پہنچانے والی کوریئرکمپنی سے کنٹریکٹ ختم ہوگیا ہے جس کے باعث یہ مشکلات درپیش ہیں۔نجی ٹی وی کے مطابق ابوظبی میں

پاکستانی سفارت خانے اور دبئی میں قونصل خانے کو پاکستانیوں کے شناختی کارڈ موصول نہیں ہو رہے جس کے باعث ویزے کی مدت میں توسیع کا معاملہ بھی تعطل کا شکار ہے۔ پاکستانی سفارت خانیکا مؤقف ہیکہ کوریئر کمپنی سے کنٹریکٹ ختم ہونے کے باعث شناختی کارڈ پہنچنے میں تاخیرکا سامنا ہے۔دوسری جانب وفاقی وزیر انسداد منشیات اعجاز احمد شاہ نے متحدہ عرب امارات کے فرسٹ سیکرٹری ڈی ایل اوMuhammad Ali Saeed A. Boassaibah سے وزارت انسداد منشیات میں خصوصی ملاقات کی جس میں وفاقی وزیر انسداد منشیات اعجاز احمد شاہ نے منشیات کے روک تھام کے لئے ڈی ایل او کے کردارکو بے حد اہمیت کا حامل قرار دیا- وفاقی وزیر نے کہاکہ منشیات کی روک تھام کے لیے صحیح وقت پر معلومات کا حصول نہایت اہم ہے۔اعجاز احمد شاہ نے کہاکہ اس سے بروقت کاروائی میں مدد حاصل ہوتی ہے، منشیات کی سمگلنگ پر قابو پانے کے لئے بھی بروقت معلومات کا حصول ضروری ہے۔ انہوںنے کہاکہ ایل ڈی او نے کہاکہ منشیات کا خاتمہ عالمی سطح پر ضروری ہے۔ وفاقی وزیر نے کہاکہ میں چاہتا ہوں کہ ڈیمانڈ کم کرنے کے لیے ہم مشترکہ لائحہ عمل مرتب کریں- ایل ڈی او نے کہا کہ ڈیمانڈ کم کرنے کے لئے جو ممکن تعاون ہوا وہ کریں گے- اعجاز شاہ نے کہاکہ منشیات سے پاک معاشرے

کی تشکیل ہماری آنے والی نسل کے مستقبل کے لیے بہت اہم ہے ۔ انہوںنے کہاکہ منشیات کے خاتمے کے لئے ایک ساتھ کام کرنا ہو گا، یہ ایک عالمی مسئلہ ہے اور کوئی بھی ملک اکیلے اس مسئلے کا حل نہیں نکال سکتا- انہوںنے کہا کہ ملاقات کا اختتام اس عہد کے ساتھ ہوا کہ آنے والے دنوں میں باہمی تعلقات کو مزید مستحکم بنایا جائے گا-