اسلام آباد (این این آئی) پاکستان مسلم لیگ (ن) نے کہا ہے کہ 19جنوری کو الیکشن کمیشن کے سامنے دھرنے کے حوالے سے حکمت عملی طے کرلی ہے ، مسلم لیگ (ن) کی مریم نواز قیادت کریں گی ،پی ڈی ایم کی مقامی قیادت آپس میں رابطے میں ہیں،راولپنڈی سے ریلی شروع کی جائیگی،براڈ شیٹ کیساتھ مذاکرات کرنے والوں کے نام

پبلک کئے جائیں ،۔ ان خیالات کا اظہار مسلم لیگ (ن)کی ترجمان مریم اور نگزیب اور طارق فضل چوہدری نے پریس کانفرنس سے خطاب کرتے ہوئے کیا ۔طارق فضل چوہدری نے کہا کہ مسلم لیگ (ن )کا اجلاس مرکزی سیکرٹریٹ میں منعقد ہوا ہے،19 جنوری کو الیکشن کمیشن کے سامنے مظاھرے کے حوالے سے حکمت عملی طے کی گئی،احتجاجی تحریک کی قیادت مریم نواز کریں گی۔ انہوں نے کہاکہ پی ڈی ایم کی مقامی قیادت آپس میں رابطے میں ہیں،راولپنڈی سے ریلی شروع کی جائے گی،اسلام آباد کی شہری املاک کا مکمل خیال رکھا جائے گا۔ انہوں نے کہاکہ مختلف ریلیاں نکلیں گی جو مرکزی ریلی میں شریک ہوگی،ریلی اور مظاھرے کی اجازت حاصل کی گئی ہے۔مریم اورنگزیب نے کہا کہ انیس جنوری کے احتجاج اور ریلی کے حوالے سے حکمت عملی کو حتمی شکل دے دی گئی ہے، پی ٹی آئی نے سکروٹنی کمیٹی کے سامنے تسلیم کرلیا ہے کہ فارن فنڈنگ اکائونٹس سے ہوئی ہے، ریلی کے روٹس کو حتمی شکل دے دی گئی ہے،اسلام آباد کے تمام جلوس مرکزی سیکرٹریٹ سے جائیں گے۔ انہوںنے کہاکہ ہراولپنڈی کا جلوس نوازشریف پارک سے شروع ہوگا،بہارہ کہو سے جلوس شروع ہوگا۔ انہوں نے کہاکہ ایک موصوف کو کل اپنی بڑی ہتک محسوس ہوئی،ان کو اس ہتک کا علم نہیں جو وہ روز جھوٹے کاغزات

لہراکر کرتے  ہیں،ان کی عزت صرف پچاس کروڑ ہے، مزید پچاس کروڑ کریں تاکہ ان کی عزت ایک ارب تو ہو،پاکستان کی عوام کا چھ سو کروڑ ایک کمپنی کو کیا گیا،اس کے ہرجانے کی رقم چارسوکروڑ بھی دی گئی،اس کمپنی نے زیرو ریکوری کی تھی۔ انہوں نے کہاکہ شہزاد اکبر کاغذ لہراتے رہیں گے کیونکہ کمیشن نہیں ملا ۔ مریم اور نگزیب نے کہاکہ

الزامات پر آج بھی قائم ہوں،شہزاداکبر کس حیثیت سے براڈ شیٹ سربراہ سے ملاقاتیں کیں ،انہوں نے براڈ شیٹ سے کیا معاہدہ کیا عوام کو بتائے ،براڈ شیٹ کیساتھ مذاکرات کرنے والوں کے نام پبلک کئے جائیں ۔ انہوںنے کہاکہ فارن فنڈنگ کیس میں پی ٹی آئی نے غیر قانونی فنڈنگ تسلیم کی ۔ انہوں نے کہاکہ 19 جنوری کو الیکشن کمیشن کے باہر احتجاج ہوگا جس کی تیاری مکمل کرلی گئی ،مریم نواز کی سربراہی میں شرکت کرینگے۔