اسلام آباد (مانیٹرنگ ڈیسک) عمران خان کا ایک معاہدہ پاکستان کی لوٹی ہوئی دولت واپس لا سکتا ہے، یہ بات برطانیہ میں موجود معروف صحافی عرفان ہاشمی نے کی، پروگرام کے اینکر نے کہا کہ کیوے مساوی نے پاکستان کے اربوں روپے ٹریس کر لئے تھے وہ کہتے ہیں کہ میرے پاس اب بھی ایسے پروف ہیں اگر میرے ساتھ موجودہ

وزیراعظم کوئی معاہدہ کر لیں تو وہ رقم میں نکلوا سکتا ہوں، کیا آپ سمجھتے ہیں کہ اگر عمران خان ان کو آفر کریں تو پاکستان میں اب بھی لوٹا ہوا مال واپس آ سکتا ہے، جس پر عرفان ہاشمی نے کہا کہ کیوے مساوی نے کہا ہے کہ آپ مجھے موقع دیں، اس نے ریفرنس دیا ہے کہ سترہ سال پہلے اگر ہم ان اکاؤنٹس کو سترہ سال پہلے ٹریس کر سکتے ہیں تو سترہ سال بعد ٹیکنالوجی کہاں پہنچ گئی ہے، قوانین اور جدید ٹیکنالوجی میں یہ سب کرنا بہت آسان ہے۔ ان سب چیزوں کو استعمال کیا جا سکتا ہے، اب پاکستان حکومت کی کورٹ میں گیند ہے، تمام ثبوت ٹیبل پر موجود ہیں۔دوسری جانب سابق وزیر اعظم نواز شریف کے صاحبزادے حسین نواز نے کہا ہے کہ براڈ شیٹ کے دعوے میں صداقت ہوتی تو لندن ہائی کورٹ اسے رد نہ کرتی۔براڈ شیٹ کے دعوے پر حسین نواز نے اپنے ردعمل میں کہا کہ براڈ شیٹ کا لندن ہائی کورٹ جانا سازش تھی، جس طرح پاکستان میں بھی سازشیں کی گئیں۔ انہوں نے کہا کہ ہائی کورٹ نے معاملے کو پرکھ کر فیصلہ دیا کہ نیب اور براڈ شیٹ تنازع کا ایون فیلڈ فلیٹس سے کوئی تعلق نہیں۔انہوں نے کہاکہ لندن ہائی کورٹ سے ہمارے خلاف فیصلہ آجاتا تو پی ٹی آئی حکومت نے واویلا مچا دینا تھا۔حسین نوز نے کہا کہ نیب نے ہمارے اثاثے تلاش کرتے ہوئے 6 کروڑ ڈالر گنوا دیئے، یہ رقم ایون فیلڈ کے فلیٹس کی مالیت سے بھی زائد ہے۔