اسلام آباد (مانیٹرنگ ڈیسک)دہلی سرکار نے بنگلہ دیش میں پاکستان مخالف پراپیگنڈے کی ایک نئی مہم شروع کر دی ہے، اس حوالے سے مکتی جدھا منچھا نامی ایک بھارتی تنظیم کا انکشاف ہوا ہے جو بنگلہ دیش میں پاکستان کو بدنام کرنےکیلئے استعمال کی جاتی ہے۔

روزنامہ جنگ کی رپورٹ کے مطابق مودی سرکار بنگلہ دیش میں پاکستان کیلئے بڑھتے انس سے خوفزدہ ہے اور وہ تمام اقدامات کر رہی ہے جس سے اس انس کو ختم کیا جا سکے۔ سبھی جانتے ہیں کہ 5اگست 2019 کو مقبوضہ کشمیر میں آرٹیکل 370 کے خاتمہ پر نریندر مودی کیخلاف سب سے بڑا احتجاج بنگلہ دیش میں ہوا۔ یہ بھی سبھی جانتے ہیں کہ کریمہ بلوچ 2015 میں کینیڈا فرار ہوگئی، اسے پاکستان مخالف بیان بازی کی وجہ سے شہرت ملی تھی جسے ہندوستان نے اپنے مقاصد کیلئے استعمال کیا۔ 2016 کی پہلی ٹویٹ میں کریمہ بلوچ نے اپنی پہلی پوسٹ کا جواب دیتے ہوئے بتایا تھا کہ وہ پاکستان کی شہری نہیں ہیں۔یورپی یونین کی ڈس انفو لیب بھی ہندوستانی خفیہ ایجنسی را کیساتھ کریمہ بلوچ کے خصوصی تعلقات کا انکشاف کر چکی ہے، حسین حقانی کے بنائے پاکستان مخالف ساتھ فورم کے بھی کریمہ بلوچ کے قریبی تعلقات تھے۔یاد رہے کہ 1971میں بھارت کی بنائی مکتی باہنی نے 5لاکھ بہاریوں کو بھی انتقامی کارروائی میں موت کے گھاٹ اتار دیا تھا۔ یہ امر قابل ذکر ہے کہ بنگلہ دیش ون بیلٹ ون روڈ منصوبے میں شامل ہوسکتا ہے جو ہندوستان کسی صورت نہیں چاہتا ہے۔ بہرحال بنگلہ دیش کو اپنی آزاد خارجہ پالیسی برقرار رکھنی چاہئے اور اسے ہندوستانی اثر و رسوخ کے جال کو بے نقاب کرنے کی کوشش کرنا ہوگی۔