لاہور (نیوزڈیسک)لاہور ڈویلپمنٹ اتھار ٹی کے زیر اہتمام ایل ڈی اے کی مختلفرہائشی سکیموںمیں واقع دس پلاٹ گزشتہ روز مجموعی طور پر9کروڑ65لاکھ11ہزار روپے میں نیلام کر دئیے گئے ۔ سب سے زیادہ بولی سبزہ زار سکیم میں واقع45مر بع میٹرکے کمرشل پلاٹ نمبر240-A (کارنر) بلاک جی کے لئے دی گئی ۔ اس کی ابتدائی قیمت13لاکھ 20ہزار روپے فی مرلہ مقرر کی گئی تھی جبکہ یہ 17لاکھ 60ہزار روپے فی مرلہ کے حساب سے 37 لاکھ 89ہزار روپے میں نیلام ہوا۔نیلام عام ایل ڈی اے کمیونٹی سنٹر239/Aایوبیہ مارکیٹ نیو مسلم ٹاﺅن میں منعقد ہو ا جس کی نگرانی ایل ڈی اے کی آکشن کمیٹی کے ارکان نے کی- نیلام عام کے دوران بولی میں حصہ لینے کے خواہشمند26حضرات نے زر ضمانت جمع کروایا-نیلامی شروع ہونے سے پہلے نیلام عام کی شرائط پڑھ کر سنائی گئیں-نیلامی میں شہریوں نے جوش و خروش سے حصہ لیا ا ور ایک دوسرے سے بڑھ چڑھ کر بولی دی ۔