اسلام آباد(نیوز ڈیسک) وفاقی وزیرداخلہ چوہدری نثارعلی خان نے کہا کہ ماضی میں این جی اوز کے لبادے میں ہزاروں لوگ آئے جنہوں نے درجنوں دفاتر کھولے اور وہ ملک دشمنی میں ملوث رہے۔سینیٹ میں اظہار خیال کرتے ہوئے چوہدری نثار نے کہا کہ کچھ این جی اوز پاکستان کی ترقی میں اہم کرداراداکررہی ہیں لیکن بدقسمتی سے ماضی میں ایسی این جی اوز بھی کام کرتی رہیں جو ملک دشمنی میں ملوث رہیں، این جی اوز کے لبادے میں ہزاروں لوگ آئے جنہوں نے درجنوں دفاتر کھولے اور وہ ملک دشمنی میں ملوث رہے، اس سلسلے میں وہ 15 سال کا سرکاری ریکارڈ ایوان کوسامنے رکھنے کو تیار ہیں۔وفاقی وزیر نے کہا کہ عالمی این جی اوز وزارت داخلہ کے ماتحت نہیں، وزارت داخلہ انہیں سیکیورٹی کلیئرنس دیتی ہے لیکن سیودی چلڈرن وزارت داخلہ کے حکم پرسیل نہیں کی گئی، جنوری میں اس این جی او کوسیل کردیا اور اس پر کوئی دباو¿ قبول نہیں کیا گیا۔ اگر ہم امریکا کا دباو¿ قبول کرتے تو امریکی این جی او کو بند نہ کرتے۔