بہاولپور (مانیٹرنگ ڈیسک /آئن لائن)ن لیگ کی نائب صدر مریم نواز نے اپنے والد میاں نواز شریف کو ویڈیو کال کی اورپی ڈی ایم کے زیر اہتمام نکالی جانے والی ریلی کے براہ راست مناظر انہیں دکھائے۔نجی ٹی وی رپورٹ کے مطابق سابق وزیراعظم نوا زشریف کی صاحبزادی نے خطاب کے

دوران عوام کو بتایا کہ انہوں نے ریلی کے مناظر نوا زشرید کو ویڈیو کال کے ذریعے دکھائے ہیں ۔ انہوں نے شرکاء کو نواز شریف ، شہباز شریف اور حمزہ شہباز کا سلام بھی دیا ۔ ریلی شرکاء کی جانب مریم نواز نے اشارہ کرتے ہوئے کہا کہ بہاولپور والو! آپ نے آج کمال کر دیا ۔ انہوں نے شرکاء کی آمد اور محبت کا شکریہ ادا بھی کیا ۔ قبل ازیں پاکستان مسلم لیگ ن کی نائب صدر مریم نواز پی ڈی ایم ریلی کی قیادت کرنے کے لیے بہالپور پہنچ چکی ہیں، جہاں ان کا پارٹی کارکنوں نے بھرپور استقبال کیا۔مریم نواز کی بہاولپورآ مد پر کارکنوں نے ان کی گاڑی پر پھول نچھاور کیے، اور ان کے حق میں نعرے بھی لگائے، جس کی ویڈیو مریم نواز نے اپنے سوشل میڈیا پر شیئر کردی ہے۔ مریم نواز کے ہمراہ گاڑی میں مسلم لیگ ن کی سینئر قیادت بھی موجود ہے، جنہوں نے پارٹی کارکنوں کے نعروں کا ہاتھ ہلاکر جواب دیا۔نائب صدر مسلم لیگ ن کے ہمراہ گاڑی میں سینئر رہنما رانا ثناء اللہ اور پرویز رشید بھی موجود تھے۔‎

موضوعات:مریم نواز نواز شریف