اسلام آباد (مانیٹرنگ ڈیسک)پاکستان ایروناٹیکل کمپلیکس نے مقامی طور پر تیار کردہ 14 جدید ترین فورتھ جنریش جے ایف 17 تھنڈر بلاک III کو ایک سادہ تقریب میں باضابطہ طور پرپاکستان ائیر فورس کے حوالے کر دیا ہے، رپورٹس کے مطابق پی اے ایف کا جے ایف 17 تھنڈر بلاک 3 ایک نئے راڈار کے

ساتھ آپریشنل ہو گیا ہے اور ہندوستان کے حاصل کردہ رافیل طیارے سے کہیں گنا زیادہ بہتر ہے۔ پاک چین کے تعاون سے تیار کر دہ14طیارے پی اے ایف کے حوالے کر دیے گئے ہیں اور اب ان طیاروں کو تربیت کیلئے بھی استعمال کیا جائے گا۔ چینی سفیر نے اس موقع پر تقریب سے خطاب کے دوران کہا کہ چین پاکستان کو 17 ویں بلاک III ڈوئل سیٹ کو اپنے فضائی دفاعی بیڑے میں شامل ہونے پر مبارکباد پیش کرتا ہے جبکہ چیف آف ائیر اسٹاف، ائیر چیف مارشل مجاہد انور خان نے تقریب سے خطاب کے دوران جے ایف 17 طیارے کے فضائیہ کے بیڑے میں شامل ہونے کے بارے میں آگاہ کیا، اس سنگ میل کو پورا کرنے میں پاکستان کی مدد کرنے پر ائیر چیف نے چین کا شکریہ ادا کیا۔ واضح رہے کہ پاک فضائیہ نے ایک اور سنگ میل عبور کر لیا ہے، جے ایف 17 ڈبل سیٹ بھی فضائی بیڑے میں شامل ہوگیا۔ کامرہ ائیر بیس پر اس طیارے کی پروڈکشن شروع کر دی گئی ہے۔‎