اسلام آباد(مانیٹرنگ ڈیسک) شہبازشریف اور حمزہ شہباز کو پیرول پر رہائی کی مدت ختم ہونے پر واپس کوٹ لکھپت جیل بھیج دیا گیا،جیل حکام شہبازشریف اور حمزہ شہباز کو ماڈل ٹاؤن سے لیکرروانہ ہوئے،
یاد رہے کہ بیگم شمیم اختر کے انتقال پر پنجاب کابینہ نے شہبازشریف اور حمزہ شہبازشریف کی 5 روز کیلئے پیرول پر رہائی کی منظوری دی تھی،پانچ روز کیلئے پیرول پر رہائی کی مدت پوری ہونے پر شہباز شریف کی جانب سے مزید پیرول پر رہائی درخواست دی گئی تھی جو منظور کرلی گئی اور پیرول پر رہائی کی مدت میں مزید ایک روز کی توسیع کردی تھی، آخری روز بھی ان سے تعزیت کرنے والوں کا سلسلہ جاری رہا ان میں نمایاں طور پر سپیکر پنجاب اسمبلی چوہدری پرویز الٰہی بھی تھے جنہوں نے وفد کی صورت میں شہبازشریف سے ملاقات کی اور ان کی والدہ کے انتقال پر اظہار تعزیت کیا۔وفد میں مونس الٰہی، چودھری شافع حسین،سینٹر کامل علی آغا بھی شامل تھے۔
