اسلام آباد(مانیٹرنگ ڈیسک )بینک سے پیسے لے کر نکلنے والوں کیلئے لاہور پولیس نے شاندار فیصلہ کر لیا ۔ تفصیلات کے مطابق پولیس حکام نے فیصلہ کیا ہے کہ اگر کوئی شخص 10لاکھ روپے سے زائد پیسے لے کر بینک سے نکلے تو بنک انتظامیہ پولیس کا آگاہ کر ے تاکہ
اس شہری کو بحفاظت اس کی منزل تک پہنچایا جاسکے ۔ بینک سے رقم نکلوانے والے شہریوں کے ساتھ ڈکیتی کی بڑھتی متعدد وارتیں رپورٹ ہو چکی ہیں ۔ڈی آئی جی انویسٹی گیشن شہزادہ سلطان نےبینکوں کے باہر ڈکیتی کے مقدمات میں ملوث سابق ریکارڈ یافتہ ملزمان کی نگرانی اور شامل تفتیش کرنے کا فیصلہ کر لیا گیا۔ان کا کہنا تھا کہ بینک سے پیسے لے کر نکلنے والے شہری غیر محفوظ ہو کر رہ گئے ہیں ۔ اس حوالے سے ایس ایس پی انویسٹی گیشن لاہور نے تمام بینکوں کی انتظامیہ سے ملاقات کی اور انہیں ہدایات دیں کہ اگر کوئی شخص دس لاکھ سے زائد رقم لے کر بینک سے لے کر جائے تو اس کے بارے میں فوری طور پر متعلقہ پولیس کو اطلاع دی جائے تاکہ اس شہری کو بحفاظت اس کی منزل تک پہنچانے میں مدد فراہم کی جائے ۔
