گلگت (مانیٹرنگ +آن لائن) گلگت بلتستان الیکشن میں کامیاب ہونے والے 5 مزید آزاد امیدوار تحریک انصاف میں شامل ہوگئے، جس کے ساتھ ہی پی ٹی آئی کو دو تہائی اکثریت حاصل ہوگئی۔ تفصیلات کے مطابق نو منتخب آزاد امیدوار وزیر سلیم، راجہ ناصر علی، عبدالحمید اور

مشتاق حسین نے پاکستان تحریک انصاف میں باضابطہ شمولیت اختیار کرلی ہے، جس کے ساتھ ہی بلتستان ڈویژن سے پی ٹی آئی میں شامل ہونے والے آزاد امیدواروں کی تعداد 5 ہوگئی،ایک اورآزاد امیدوار نے تحریک انصاف میں شمولیت کا اعلان کر دیا ہے، گلگت بلتستان کے حلقہ جی بی ایل اے 5 نگر سے کامیاب ہونے والے آزاد امیدوا جاوید منوا نے تحریک انصاف میں باقاعدہ شمولیت کا اعلان کردیا ہے۔جاوید منوا کی شمولیت کے بعد گلگت بلتستان میں تحریک انصاف کی حکومت بنانے کے لیے مطلوبہ تعدادپوری ہوگئی ہے۔ اور وفاق کی حکمران جماعت کو گلگت بلتستان میں دو تہائی اکثریت حاصل ہوگئی ہے۔قبل ازیں چیئرمین پیپلزپارٹی بلاول بھٹو زرداری نے الزام عائد کیا کہ پی ٹی آئی والے گلگت بلتستان الیکشن میں کامیاب ہونے والے ہر امیدوار کے پاس جا کر کہہ رہے ہیں تم وزیراعلیٰ ہو بس شمولیت کرلو، تفصیلات کے مطابق میڈیا کے نمائندوں سے گفتگو میں انہوں نے کہا کہ الیکشن کمشنر گلگت بلتستان میں پی ٹی آئی کی حکومت بنانے میں لگے ہوئے ہیں لیکن یہ لوگ اب تک یہ فیصلہ نہیں کرسکے کہ گلگت بلتستان کا وزیراعلیٰ کون ہوگا؟ الیکشن کمیشن پی ٹی آئی کا الیکشن ونگ ہے، الیکشن کمشنر نے عوام کو بیچ دیا آپ اپنا عہدہ نہیں سنبھال سکے، یہ ہر امیدوار کے پاس جا کر کہہ رہے ہیں تم وزیراعلیٰ ہو بس ایک بار شمولیت کرلو، کیا آپ 2ماہ کے لیے عہدے پر بیٹھنا چاہتے ہیں کیوں کہ یہ حکومت تو صرف جنوری تک ہوگی۔

موضوعات:گلگت بلتستان انتخابات