گوجرانوالہ (این این آئی)گوجرانوالہ میں مبینہ طور پر پسند کی شادی کی خواہش پر والدین نے بیٹی پر پیٹرول چھڑک کر آگ لگا دی۔پولیس کے مطابق واقعہ باورے کے علاقے میں پیش آیا جہاں لڑکی مبینہ طور پر اپنے رشتے دار لڑکے سے شادی کرنا چاہتی تھی تاہم لڑکا پہلے سے

شادی شدہ تھا جس کی وجہ سے لڑکی کے والدین شادی کے مخالف تھے۔ لڑکی کی ضد پر والدین نے اس پر پیٹرول چھڑک کر آگ لگادی، متاثرہ لڑکی کو تشویش ناک حالت میں میو ہسپتال لاہور منتقل کر دیا گیا ، والدین کو گرفتار کرکے ان کے خلاف مقدمہ درج کرلیا گیا ۔