تہران (آن لائن) ایران کے روحانی پیشوا آیت اللہ علی خامنہ ای نے کہا ہے کہ امریکا کے صدارتی انتخابات کے نتائج خواہ جیسے بھی ہوں تہران کی واشنگٹن کے حوالے سے پالیسی تبدیل نہیں ہو گی۔ملکی میڈیا کے مطابق خامنہ ای تہران میں امریکی سفارت خانے پر سن انیس سو اناسی میں طلبہ کے قبضے کی یادگاری تقریب کے موقع پر خطاب کر رہے تھے۔ ایرانی رہنما نے کہا کہ
ایران کبھی بھی امریکا کے دباؤ میں نہیں آئے گا۔ امریکی سفارت خانے پر ایرانی طلبہ کے قبضے کی یاد میں ہر سال ایران میں بڑے پیمانے پر ریلیوں کا انعقاد ہوتا ہے تاہم کورونا وائرس کی وبا کی وجہ سے اس مرتبہ جلوس اور دیگر پروگرام منسوخ کر دیے گیے ہیں۔دوسری جانب ایران کے صدر کا کہنا ہے کہ امریکہ میں کوئی بھی جیتے ایران کے آگے ہتھیار ڈالنے ہی ہوں گے۔
