نی راولپنڈی ( آن لائن )قومی احتساب بیورو (نیب) نے سابق وزیراعظم نواز شریف کا پاسپورٹ اور شناختی کارڈ منسوخ کرنے کی سفارش کر دی۔نیب راولپنڈی کی جانب سے وزارت داخلہ کو بھیجے گئے خط میں کہا گیا ہے کہ نواز شریف کے وارنٹ گرفتاری عدالت سے جاری ہو چکے ہیں۔خط میں کہا گیا ہے کہ نواز شریف کے اشتہاری قرار دینے کا
عمل بھی شروع کردیا گیا ہے،لہذا نواز شریف کی سفری دستاویزات کو منسوخ کیا جائے۔ذرائع کے مطابق وزارت داخلہ کی جانب سے نواز شریف کے پاسپورٹ اور شناختی کارڈ کو بلیک لسٹ میں شامل کرنے کی سفارش بھی کی گئی ہے۔نیب کی جانب سے خط میں کہا گیا ہے کہ نواز شریف کو وطن واپس لانے کے لیے وزارت داخلہ انٹرپول سے بھی رابطہ کرے۔
