سینٹ کٹس(نیوزڈیسک) شعیب ملک کی دھواں دار بیٹنگ کی بدولت سینٹ لوشیا ذوکس کو 15 رنز سے ہرا دیا۔ پاکستانی آل راونڈر نے 34 گیندوں پر 51 رنز کی اننگز کھےل کر ٹےم کی جےت مےں اہم کردادر ، انہیں مرد میدان قرار دیا گیا۔ تفصیلات کے مطابق سینٹ کٹس میں کھیلے گئے لیگ کے10وےں میچ میں بارباڈوس ٹرائیڈنٹس نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 148 رنز بنائے۔ شعیب ملک نے 34 گیندوں پر 51 رنز کی جارحانہ اننگز کھیلی جس میں ایک چھکا اور پانچ چوکے شامل تھے۔ کیمار روچ اور ڈیرن سیمی نے دو، دو وکٹیں حاصل کیں۔ سینٹ لوشیا ذوکس کی ٹیم مطلوبہ ہدف حاصل کرنے میں ناکام رہی اور مقررہ اوورز میں 9 وکٹوں کے نقصان پر 133 رنز ہی بنا سکی۔ آندرے فلیچر نے 52 رنز بنائے تاہم وہ اپنی ٹیم کو شکست سے نہ بچا سکے۔ بارباڈوس کی طرف سے ریاد ایمرٹس نے 3 جبکہ جیون مینڈس اور روبن پیٹرسن نے دو، دو وکٹیں حاصل کیں۔ شعیب ملک کو مین آف دی میچ کا ایوارڈ دیا گیا۔شعیب ملک کی شاندار پرفارمنس پر ان کی اہلیہ ثانیہ مرزا نے نہایت خوشی کا اظہار کیا ہے۔