اسلام آباد(مانیٹرنگ ڈیسک)نجی ٹی وی جی این این کے پروگرام میں گفتگو کرتے ہوئے سینئر صحافی ڈاکٹر شاہد مسعود نے دعویٰ کیا کہ ملک کی ان اہم شخصیات نے اپنے گھر پر عشائیہ دیا جنہوں نے دھرنے سے پہلے مولانا فضل الرحمان سے ملاقات کی تھی۔

اس عشائیے میں شاہ محمود قریشی ، چیئرمین سینیٹ صادق سنجرانی، شہباز شریف، بلاول بھٹو زرداری، خواجہ آصف ، شیری رحمان اور مولانا فضل الرحمان کے صاحبزادے اسعد محمود شامل تھے۔ڈاکٹر شاہد مسعود کے مطابق عشائیے کے آخری حصے میں وزیر اعظم عمران خان بھی شریک ہوئے۔ طاقتور شخصیات نے کہا کہ حکومت کو پانچ سال چلنے دیا جائے، اس دوران شہباز شریف خاموش رہے، ان طاقتور شخصیات کا بلاول بھٹوکے ساتھ رویہ نرم تھا، بلاول بھٹو نے ان کے سامنے طریقے سے حکومت کے بارے میں اپنا موقف پیش کیا۔یاد رہے کہ آج اپوزیشن جماعتوں کی جانب سے آل پارٹیز کانفرنس ہو نے جارہی ہے جس سے سابق وزیر اعظم نوازشریف بذریعہ ویڈیو لنک خطاب کرینگے ، سابق صدر آصف زرداری بھی اس اے پی سی میں شرکت کرینگے۔