کراچی(آن لائن/مانیٹرنگ ڈیسک)پاک سرزمین پارٹی کی طلبہ تنظیم (پاک سرمین اسٹوڈنٹس فیڈریشن) PSSF کی مرکزی کابینہ کے جوائنٹ انچارج فائق امین نے کراچی کے علاقے عائشہ منزل پر واقع ہیپی پیلس اسکول میں نویں جماعت کی عریبہ نامی طالبہ کی سیڑھیوں پر سے

گرنے سے ہلاکت کو مشکوک قرار دیدیا۔ انہوں نے اپنے بیان میں کہا کے یہ افسوس ناک واقعہ اسکول کی انتظامیہ کی غفلت اور غیر سنجیدگی کی وجہ سے پیش آیا ان کا مزید کہنا تھا کے یہ نجی اسکول کے مالکان ہزاروں میں اجرت اس لیے لیتے ہیں کے لوگوں کے بچے اسکول کے اندر ہی حادثے کا شکار ہوجائیں،نا ہی اسکول کے اندر کوئی صحت کے حوالے سے حفاظتی انتظامات مہیا کیے جاتے ہیں اور نا ہی ابتدائی طبی امداد کی سہولت مہیا کی جاتی ہے۔ پاک سرزمین اسٹوڈنٹس فیڈریشن حکومتِ سندھ سے اور بلخصوص صوبائی وزیر برائے تعلیم سعید غنی صاحب سے یہ مطالبہ کرتی ہے کے اسکول کے مالکان اور انتظامیہ کے خلاف سخت قانونی ایکشن لیا جائے اور اسکول کا لائسنس کینسل کیا جائے۔ قبل ازیں کراچی میں تعلیمی ادارے کھلے تو نویں جماعت کی اریبہ بھی خوشی خوشی اسکول گئی لیکن نہیں جانتی تھی کہ اسکول کا پہلا روز زندگی کا آخری روز بن جائے گا، کراچی کے علاقے فیڈرل بی ایریا میں عائشہ منزل پر واقع ہیپی پیلس کیمپس تھری کی نویں جماعت کی طالبہ اریبہ اسکول کی سیڑھیوں سے گر کرجاں بحق ہوگئی۔