اسلام آباد (مانیٹرنگ ڈیسک)پاکستانی اداکارہ یاسر حسین کو ترک اداکاروں کے بارے میں نامناسب الفاظ کا استعمال گلے پڑ گیا ۔ پاکستانیوں نے سافٹ وئیر اپ ڈیٹ کر دیا ۔ تفصیلات کے مطابق یاسر حسین نے انسٹاگرام پر اپنی سٹوری میں تْرک سیریز ’ارطغرل غازی‘ کے کرداروں سے مماثل
نوجوانوں کی تصویر شیئر کی، یاسر کی جانب سے شیئر کی جانے والی تصویر میں دو نوجوانوں نے اسی ڈرامے کے کرداروں سے متاثر ہوکر انہی کی طرح کا لباس پہنے اور ایک شو میں شرکت کی۔اداکار نے دونوں نوجوانوں کی تصویر شیئر کرتے ہوئے لکھا کہ ان کو کوئی نہیں پوچھے گا کیونکہ گھر کی مرغی دال برابر اور باہر کا کچرا بھی مال برابر، یاسر کے اس بیان نے سوشل میڈیا پر تنازع کی صورت اختیار کرلی اور مختلف سوشل میڈیا سائٹس پر ٹاپ ٹرینڈ میں یاسر حسین کا نام اسی بیان کی وجہ سے سرفہرست ہے ،پاکستانیوں کی بڑی تعداد نے انہیں شدید تنقید کا نشانہ بنایا اور انہیں طرح طرح کے القابات سے بھی نوازا اور ان کا سافٹ وئیر بھی اپ ٹو ڈیٹ کیا ۔ دوسری جانب اداکار یاسر حسین کا غیر ملکی اداکاروں کو ’عالمی کچرا‘ کہنے پر انوشے اشرف اس مرتبہ بھی خاموش نہ رہیں اور انہیں کھری کھری سنادیں، انوشے نے کہا آئیں ذرا یاسر حسین کو یاد دلائیں کہ کوئی بھی کسی کے لیے کچرا نہیں اور اگر ان کا کام یاسر حسین کی پسند کے برابر نہیں تو بھی دنیا بھر کے اداکاروں کا ا حترام کرنا ضروری ہے ، یاسر نے جواب دیتے ہوئے کہا کیا میں نے اس بیان میں کہیں ارطغرل کا نام لیا؟ نہیں، بچپن سے جاپان کی استری، انڈیا کی ساڑھی، آسٹریلیا کی کٹلری کو اچھا سمجھتے ہوئے ہم نے اپنے مال کو ’’کچرا‘‘ سمجھا ۔ ہمیں ذہنیت کو بدلنے کی ضرورت ہے ، مگر آپ نے ساری زندگی انگریزی بولی اور انگریزی گانے بجائے اپنے شو پر، آپ کو سمجھانا تھوڑا مشکل ہے ۔
